Page 98 - Неизвестное название

Сыһыы бысаҕаһын ылар
Сыналҕан бэйэлээх,
Сыбар дьүһүннээх,
Алаас быстаҕьгн ылар
Агдарыйбыт сарыннаах,
Аарыма улахан
3860 Алаа Модус
Аартыкка тоһуйан,
Айаан үрэх
Аппатын курдук
Айаҕын дьаллаччы
Атан турар эбит.
Кэлэн биэрти ыйыстыам диэн
Кэтэһэн турбута
Кыраманнаабыт быһыылаах.
Кыһын бөҕөнү
3870 Кыһын солбуйан,
Көмнөҕүнэн үллүйэн,
Кырыатынан чаҥкынатан,
Кыыдааннаах салгьгнынан
Кыларыппыт эбит,
Сайын бөҕө
Сайыны солбуйан,
Самыырынан сайҕаан,
Салгынынан салаан,
Саппаҕыппыт быһыылаах,
3880 Күһүн бөҕө
Үргүөрүнэн оборон,
Саас бөҕө
Хатаалынан салаан,
Эргэ өтөх курдук
Иҥнэри иҥиэттибит,
Түҥкэтэх тумул курдук
Түҥнэри сөгүдүйбүт,
Дьаҥхалаах хайа курдук
Таҥнары тайахтаммыт.
3890 Аллараа сымыһада
Сир ийэ
Чэҥнээх булууһугар
Тиэрэ дьэллэйэ түспүтэ —
Силлиэ буурҕа ытыйан,
Сыыс-буор көмөн,
Сиппэх-боллох оҥорон,
- 95 -