Page 93 - Неизвестное название

Хололоһон тэҥнэспэтэх
3640 Куоһара Хара бухатыыр диэн
Дьоһун үтүө сураҕыҥ
Сура^ырар аххан буолара.
Ол гынан баран
Хоонньуга сытар
Холоонноох доторгуй
Куоттарбыт эбит
Буоллаҕыҥ дуу?
Бу аллараа дойду
Ааһар бөҕө албыттара,
3650 Көтөр бөҕө көлдьүттэрэ,
Түркүннээх түөкүттэрэ
Дьэллик диэлимэрдэрин,
Кулан-соллоҥ уолларын,
Тускумньулаах суорумньуларын,
Итэдэллээх илдьиттэрин,
Түппүрдээх түөкүннэрин
Таас Чугуунай бухатыыры
Харытыттан харбаан,
Тоҥолоҕуттан тутан,
3660 Бу илдьэ иһэбин.
Орто дойдуну
Ураҕаһынан булкуйбут.
Ортотунан оомойдообут,
Дьахтар бөдөнү
Тала сылдьан таскайдаабыт,
Кыыс бөҕөнү кыбыммыт,
Анаан аамайдаабыт,
Үгүһү сүгүннэрбит,
Элбэҕи иэнигиппит,
3670 Бу алдьархайдаах
Аллараа дойду
Араскааттаах аартыктарын
Аҕа баһылыга буолан,
Ан ардаһынан аатырбыт,
Сонолҕонноох суолларын
Торолуйар тойонноро буолан,
Суораадыйан сураҕырбыт,
Үөһээттэн түһээччилэри,
Аллараатан тахсааччылары
3680 Арыс тарба^ын
Ахсаанын курдук
- 90 -