Page 101 - Неизвестное название

Кэлбит эбиккин дуу?
Чуолаан тоһуйбут
Чооруоһум оҕото
Солоҥдо тураҕас аттаах
Тустуулаах Дьуруо Бөҕө
Тус бэйэдинэн
Тиийэн кэлбит эбиккин дуу,
3990 Нойон киһиэ!
Кэтэһэн-кэтэһэн
Кэлтэччи элэйдим,
Көһүтэн-кеһүтэн
Көнчөччү көһүйдүм,
Манаһан-манаһан
Бакырыччы кырыйдым,
Тоһуйан туран
Токуруччу хатгым,
Аллараа дойдуттан
4000 Адалытан таһаараннар
Айыы хаан аймахтарыттан
Ааттаах бухатыырдара
Айаннаан кэллэхтэринэ,
Аттары-бэйэлэри
Айаххар түһэрээр диэн,
Аартыкка тоһуттарбыттара
Тоҕус уон тоҕус
Төгүрүк сыла
Томтойо-толоруйа
4010 Туолан кэллэ.
Ол тухары
Чуукунаһан-иикинэһэн иһэр.
Суол дьонун туора уобан,
Соҕотохто ыйыста турбутум,
Биирдэ мэҥиэстэн
Мэлитэн испитим.
Ол да буоллар
Тугу да үссэммэтэҕим
Тоҕус сыл буолла,
4020 Адьас аһаабатаҕым
Адыс сыл буолла,
Инчэҕэй эттээххэ
Тииһэнэ иликпин,
Үөл эттээди
Үссэнэ иликггин.

- 98 -