Page 97 - Неизвестное название

Кыһыл сымара
Таас хайалар
Кыларыйар эркиннээх
Кыпчылҕаннарын устун
Кыһарыйан түһэн истэ.
Хардаҥ эһэ кыылым
Халтаҥ ойоҕоһун уҥуоҕа
Хаптаччы анньыллан
Килбэччи аалыллан түһэр
3820 Хапчалҕан хара аартык
Харааран барыаран көһүннэ.
Айах курдук
Амырыыннык аҥылыйда,
Бэлэс төрдүн курдук мэҥилийэн
Куолай үүтүн курдук,
Күҥкүлүйэн көһүннэ.
Чугаһаан истэҕин аайы
Ынырык ыар сыт
Ыһьглла түстэ,
3830 Дьааттаах сыт
Сабыта биэрдэ.
Эмискэччи үлүгэр
Этэ тарта,
Иэнэ кэдэрийдэ
Чугурус гына тохтуу түстэ.
Өйдүөн бүдүүлээн
Өре көрөн таһаарбыта —
Көрдөр көрө сүөргү улахан
Күнү-ыйы бүөлүүр
3840 Күкүр хайа курдук
Көппөллүбүт көҕүстээх
Күҥкүйэни бүөлүүр
Холобура биллибэт
Көдөлүйбүт истээх,
Сыыр быстыбытын курдук
Сылластыгас сымыһахтаах,
Хайа хайдыбытын курдук
Хаҥастыгас дьабадьылаах,
Уораан сүүлбүтүн курдук
3850 Оллур-боллур уостаах,
Баараҕай ыал
Балаҕанын саҕа
Баллыр-иллир сирэйдээх,
-94-