Page 103 - Неизвестное название

Сылаас сыалаадынан сыламнатыам,
4070 Итии хааннаадынан эмсэхтэтиэм.
Аатырбыт-сураҕырбыт
Алаа Модус, тойон убайым,
Айаххын атыаххынан ат,
Куолайгын көҥкөтүөххүнэн көҥкөт,
Аһатар-сиэтэр күнүм буолла,
Буойака!— диэтэ.
Инньэ диирин кытта
Алаа Моҕус баҕайы
Айаан үрэх
4080 Ан'ылданнаах-мэгилгэннээх
Аппатын курдук
Айаҕын дьаллаччы атта,
Куолайын көҥүс үрэх
Күҥкүйэтин курдук
Көҥкөтүөҕүнэн көҥкөттө,
Аһаары-сиэри
Адаа-быдаа тииһин
Адыгыраччы ардьатга,
Ыйыстаары ынырыктык ырдьайда,
4090 Мэниэстээри бэлэһин
Мэнэгэйэ хамсаата,
Сымыһаҕын уута сүүрдэ,
Сыын а - сыр аана санньылыйд а,
Мэгиэстэн кээһээри бэлэмнэнэн турда,
Билиги гынарын кытта
Тустуулаах Дьуруо Бөҕө
Кылыһын тупттутунан
Уун-утары ыстанан кэбистэ.
Алаа Моҕуска
4100 Мэгиэстэр* бэтиэхтиир
Бэлэһин үүтүгэр
Сулумах оноҕос курдук
Соҕотохто сулугур гына түстэ.
Алаа Моҕус
Ыстаныах бокуойа суох
Ыйыстан дьүккүс* гынан кэбистэ.
Дьуруо Бөҕө
Алаа Моҕус
Кураанах-иччитэх
4110 Куттаҕын иһигэр
Көндөй уһаат курдук

- 100 -