Page 104 - Неизвестное название

Көҥкөлөй дойдуга
Күлүгүр гына түстэ.
Тустуулаах Дьуруо Бөҕө
Ийэтиттэн ылбыт
' Кырыктаах кылыһынан
Алаа Моҕус
Курулҕаннаах куттаҕын
Түгэх өртүнэн
4120 Тоҕо дайбаан.
Уу ньамран оһоҕоһун
Ортотунан быһыта сотон,
Халыҥ хаһатын хайа дайбаан,
Иҥиир тараһатын
Ибили көтөн,
Иһин түгэҕинэн
Тоҕо сотон,
Тоҥ булуус буору
Чүөмпэ көлүйэ
4130 Түгэҕин саҕаны
Дьөлө тирэнэн тура түстэ,
Алаа Моҕус
Абарбыт-сатарбыт куолаһынан
Саҥа саҥаран
Сатарытан барда:
— Аарт-татай, ини,
Аар-дьаалы, оҕолоор!
Маҥан хаан аллаах
Маалгын акаарыны
4140 Баһын хампы ыстаабынабын
Маттаҕым баар үһүө,
Ымдаан мэник уолу
Ыстаамына ыйыстан,
Ыһылы мэлитэн,
Кулан мэниги
Куоттардаҕым абатын,
Хомолтотун көрбөккүөн,
Таттык далаҕаны
Таҥалайбар сынымына
4150 Сыыһа тутан кэбистэхпин,
Аанай-туонай абаккабын көрбөккүөн!
Аны билигин аһаан да,
Абыраммат киһи буоллум.
Көҥкөйдүү аһаҕас
— 101 -