Page 366 - Сергей Васильев. Хоһооннор, поэмалар

Ыаһыран-харааран,
Ыараан-түҥкэрэн,
Ыраах көстөр мастары
Ыйыстан-ньимийэн истэ,
Субу турар тииттэри
Суһуктутан. суох гынна.
Сыкана эмээхоин
Сытан эрэн,
Сымнаҕас сыттыгын
Сылаас хараҕын уутунан сытытта.
Уолуйбут ийэ
Утуйбакка сытан,
Улахан сыттыгын
Уоттаах хараҕын уутунан тымнытта.
Өйүттэн, бу арахпакка,
Өлөксөй элэҥниир,
Тамыйаҕы кыайан тарпакка,
Таһыллара эрэйдиир.
«Оҕом моонньугар
Оҕууру кэтэртим дуу?
Оҕо сааһыгар
Уорааннаах ыырга киллэрдим дуу?»
Муҥатыйа саныы-саныы,
Муҥ.нана сытта,
Ытаан-ытаан,
Ытаабат буолла...

Халлаан сырдаабата...
Хара-бараан түүн
Халлааҥҥа халбарыйбат гына,
Хам сыстан хаалла быһыылаах,
Унаар маҥан күн
Улуу далайга умса түһэн,
Умуллан хаалла быһыылаах...
Угуттаата этин итиитинэн
Улаҕаҕа ньохчойон сытар
Орто уолчаанын:
Аргыый таптайда
Аттыгар сурдургуу сытар
Аччыгый кыысчаанын.
Өр буолан баран,
Үрдүк халлаан өлбөөдүйдэ,