Page 369 - Сергей Васильев. Хоһооннор, поэмалар

Сырдыкта тыктар,
Көхсүм иһигэр
Күннэ киллэр!..» —
Эмээхсин сорунан.,
Этиэх иннинэ эттэ.
Сөҥмүт уордайыы
Сөллөн өрө кыыдааттанна,

Аҕалара оҕонньор
Аллара көрөн олордо.
Улаатынар Охоноон,
Улаханын дьоҥҥо балыйтарбыт
Оҕо курдук,
Ойон туран.,
Уону-биэһи тэҥҥэ
Ороон, өрөһөлөөн истэ:

«Кулан-дьэллик сылдьаммын,
Кутай баай оҕонньорго
Уон сыл от охоон,
Ойоҕоспун хардарбытым,
Тоҕус сыл тоҥу суоран,
Тоноҕоспун тоҥхоппутум.
Кэрэ сааспын
Киниэхэ кэдэрийбитим,
Уол кылааммын
Онно мүлүрүппүтүм.
Отут сыл үлэлээн баран,
Уурайар күммэр
Уллуҥа алдьаммыт
Олооччунан барбытым,
Арҕаһа соролообут
Арбаҕаһынан арахпытым.

Уола атыыһыт Сүөдэр
Урукку былааска
Уон улуус сүмэтин
Оборон чупчуруйбута,
Элбэх нэһилиэк илгэтин
Эмэн сиэбитэ...
Ону бидигин даҕаны
Уураппакка, кини
Тыыннаах тирбэҕэни көрөн,
з»з