Page 111 - Сергей Васильев. Өлбөт өрөгөй

Айхаллаах ырыанан, үрдүк үөрүүнэн уруйдааччылар:
Биһиги —
Модун бухатыырдар, чэрдээх илиилээхтэр,
Улуу дойду дьолун уһанааччылар.
Эйэ ыҥырыытын
Эҕэрдэлээх сырдык сардаҥата
Илин, арҕаа, хоту, соҕуруу
Күлүмнүү чаҕылыйда!
Кини ыал ахсын, үүтээн ахсын
Кылбайа тыган киирдэ,
Кини далай арыытын ахсын, тайг,а уордатын устун
Күннүү сыдьаайан тиийдэ,
Кини үлэлии турааччылары, утуйа сытааччылары
Итиитик кууста,
«Чэйиҥ, кэлиҥ!»— диэтэ.
Эн —
Хааннаах сэриинэн аан дойдуну уоттааччыларга
Хатан харданы биэрэр
Халыҥ аармыйа кэккэтигэр тураргынан
киэн туттаҕын!
Эн —
Көҥүл, дьол, эйэ туһугар
Күүскүн-уоххун холбоон
Күндү норуотуҥ
Көмүс куйаҕын кутуһаргынан
киэн туттаҕын!
Эн —
Кырдьаҕас сынньалаҥын иһин,
Эдэр дьоллоох сааһын иһин
Эйэ боруонугар киирэн,
Элбэх сүүһүнэн мөлүйүөн сэрииһит
Эрчимнээх хардыытыгар тэҥҥэ хардыылаһан,
Илии баттаһаргынан
киэн туттаҕын!
4 Заказ Ла 236 97