Page 109 - Сергей Васильев. Өлбөт өрөгөй

Кинилэргэ: уу-чуумпу, үүт-тураан буоллун,
Эйэ, сылаас сынньалаҥ буоллун!
Улуу уус, баара^ай ИЛИИ
Уһуйбат мыраамар тааһынан
Күлүмнэс сырдык дыбарыаһы тутар,
Көмүһү кутан оһуору дьэргэтэр
Туох даҕаны ону доргуппатын!
Туман-сиик даҕаны толбонуппатын!
Киниэхэ: эрчимнээх күүс элбээтин,
Эйэ, үөрүү үрдээтин!

Сибэккини айааччылар, ойууру үүннэрээччилэр
Синньэ күөҕүнэн, торҕо солконон
Сир ийэ иэнин чэлгитэ симииллэр.
Хаһыҥ да ону хагдарыппатын,
Хатыылаах да хайыта аалбатын!
Кинилэргэ: ичигэс ардах түстүн,
Эйэ, дьол эҕэрдэлии турдун!

Кыра оҕолор
Кылаастарыгар киирэн,
Кырааскалаах паарталарыгар
Кырылаан кэккэлии олороллор.
Үрүҥ кумаабыта киртийбэтин,
Үөрэтэр учууталлара хойутаабатын!
Кинилэргэ: сырдык дабаан тосхойдун,
Эйэ-дьол, оонньуу-көр буоллун!
Көҥүлэ суох —
Күн уота суох!
Эйэтэ суох —
Ийэ таптала суох!
Эйэ — өлгөм үүнүү,
Торҕо күөх!
Эйэ — сылаас дьиэ,
Үөрбүт кэргэн!
95