Page 108 - Сергей Васильев. Өлбөт өрөгөй

Ырыа ыллаан, тойук туойан
Ыраас кумааҕы иэнигэр иҥэрэн,
Ыччаттары ыҥыран, оҕонньоттору угуйан
Ыһыахтарга чугдаардыҥ да этэ!

Ол бу бүгүн эмиэ
Уһуктаах бөрүөҕүн өссө сытыылаан,
Улууттан улуу сырдык соруктаан,
Эйэ иннигэр, дьол туһугар
Ис сүрэххиттэн курдаттыы тартаран
Илии баттаатыҥ.

Эминйдээх оҕо
Ийэтин түөһүгэр саба түһэн,
Имигэс илиитинэн ыга кууһан
Эстибэт-быстыбат минньигэс күүһү уймахтыыр.
Ийэтин ким да уолуппатын,
Эмиийин туох да харааппатын!
Киниэхэ — сылаас кууһуу буоллун,
Эйэ, итии таптал буоллун!

Уоллаах кыыс умсугуһан,
Омуннаах эдэр таптал
Уотугар күөгэйэ ууллан,
Убураһа тураллар.
Тыас да буолан кинилэри дьиксиргэппэтин,
Тыыналларын да аралдьыппатын!
Кинилэргэ: чээл-быраан, күөх ойуур буоллун,
Эйэ, уруй-туску буоллун!

Оҕонньордоох эмээхсин
Орон сылааһыгар нуураччы тартаран,
Сылбай ууларыгар саба куустаран
Сынньана сыталлар.
Соһумар туох да буолбатын,
Соһутан-уолутан туруорбатын!
94