Page 115 - Сергей Васильев. Өлбөт өрөгөй

Эн өлбет-сүппэт үтүө ааккын
Эйэ мичээрбит эриэккэс сылларын
Инники кэккэтигэр туруоран,
Истиҥ итии тапталынан долгуйан:
«Саргылаах биир үтүө сылбыт»,—диэн уруйдаатыбыт,
Саҥа муора гынан, саҥа куорат гынан туоһулаатыбыт.
Кыра бэйэҥ улаатан, бу кырдьаҥҥын.
Кыырык түһүмэр бытыктанаҥҥын
Бүгүн биһигиттэн барар күҥҥэр
Бүрү-бүттүүн эн үтүөҕэр,—
Барар суолуҥ устун күөх оту тэлгиибит,
Баараҕай түөскэр эйэ холуубун иилэбит.
Күрүөлээбит хонууҥ
Көҕөрө турдун!
Үөскэппит көлүөнэҥ
Үксүү турдун!
1952 с.

БЫРАҺААЙ, ПИЛОТКАМ!..

Пилоткабын кытта
Биэс сыл аргыстаспытым.
Аам-даам тымныыттан харыстаммытым,
Ардахтан эмиэ көмүскэммитим.
Суорҕан гынан
Сирэйбин саптан утуйбутум,
Сыттык гынан
Сыта түһэн сынньаммытым.
Картошка кутан
Култаччы толорбутум,
Ууну сомсон
Утахпын ханнарбытым.
Пилоткабын иҥнэри уурунан
Костер иннигэр,
101