Page 116 - Сергей Васильев. Өлбөт өрөгөй

Гармошкалыын куоталаһан
Куйаара үҥкүүлүүрүм.
Пилоткабын ыга кэтэн,
Уот толону аннынан
Оҥостуулаах өстөөххө
Утары үөмэрим...
Пилоткам эрэйдээх,
Билэҕин мин
Автомат доҕордонон,
Алдьархай аргыстанан,
Төгүрүк сууккаҕа
Түөрт уон өлүүнү
Төлүтэ түһэн,
Ситим са5аттан силбэһэн,
Сап саҕаттан салҕанан,
Толооннору туораабыппын,
Алардары ааспыппын!
Көрөөхтөөтүҥ да этэ
Көнньүөрэн эмиэ күлүмнээбиппин.
Куттанан эмиэ кубарыйбыппын!
Иһиттиҥ да этэ
Саллааттар ыллаһарбытын, ‘
Саргы! — дигн хаһыытаһарбытын!
Кэрэтик да саныыбын билигин
Киевкэ кэлэммин мин эйигин
Госпитальга хаалларбыппын,
Куораттан киэпкэ атыыласпыппын!
Кэрэ даҕаны этэ —
Киэпкэни ахтан кэтэр.
Килбиэннээх күн этэ,
Киэпкэ диэн — эйэни этэр.

Киэпкэм барахсан,
Кэрэҕин даҕаны!
102