Page 204 - Сергей Васильев. Өлбөт өрөгөй

Эстэргэ тиийбити — биһини тириэртиҥ,
Дьол-соргу чыычааҕын түһэрэн ыллаттыҥ!
Ол иһин бу ыраах хотугу дойдутган
Сахалар, татаардар, эбэҥки омуктар
Эйиэхэ, партияҕа — махталбыт тойуга,
Сүүрбэ сыл үөрүүтэ — сүрэхпит айхала!
Ырыабыт үөскээтэ тутуулаах тайҕаттан,
Колхозтаах алаастан, кытылтан, үрэхтэн,
Үөскээтэ — саргылаах урааҥхай сахаттан,
Сүүһүнэн тыһыынча тэбиэлиир сүрэхтэн!
Ырыабыт сатараан, хотойдуу күөрэйдин
Таас дьааҥы үйэлээх очуоһун үрдүнэн,
Кыталык кыҥкынас ырыатын түһэрдин
Үс үөстээх киэҥ Лена хочотун сүнньүнэн!

Ырыабыт дьиэрэйэр-ньиргийэр баалланан
Килбиэннээх Кремль иһигэр киириэхтин,
Сайдыбыт сахалыы тылынан саҥаран,
Төлөннөөх уруйу-айхалы этиэхтин!
Ырыабыт улуу сир уорҕатын устунан
Дуорайан Крымҥа, Кавказка тиийиэхтин,
Батталтан быыһаабыт нууччаҕа махтанан
Төлөннөөх баараьай баһыыба биэриэхтин!
МАҤНАИГЫ АҤАРА
Кыһыҥҥы кыыдааны үс муоһун тоһутан
Самаан саас сандааран, саһаан хаар ирэрэ,
Силиһи силгэйэн, хаспаҕы хайытан,
Сис уута киирэрэ, сир ийэ тиллэрэ.
Аҥааттар киэҥ Лена сүүрүгэ кутуллан
Арыыны, талаҕы үрдүнэн ылара,
Көмүлгэн аннынан бурууктуу будуллан
Тумулу суурайан, киэҥ сүнньүн солуура.
190