Page 208 - Сергей Васильев. Өлбөт өрөгөй

Тапталлаах киэҥ Лена күөх нуолур биэрэкк»
Таһымнаан таҕыста киэҥ хочо устунан,
Ол курдук олохпут харгыны билбэккэ
Уһунна улуу дьол ыллыктаах суолунан.
Кремль чаһыта лыҥкыныы ыллаата;
Биһиэхэ сарсыарда, күөх халлаан чаҕыла
Илинтэн арыллан күндээрэ сырдаата,
Хоммут уос хоһооно Ленаны туораата...
Үлүскэн сүүрүктээх киэҥ Лена хотуммут
Холкутук хотугу байҕалга суккуйда,
Кытыыга лөглөйбүт күөх арыы талахпыт
Күндээтин көхсүгэр күлүгүн көрүннэ.
Киэҥ халлаан чаһыта — үйэлээх үрүҥ күн
Үөһэнэн кылбааран кубалыы уһунна,
Күлүмнээн көмүстүү саккырыыр аалыыта
Эҕиҥниир эрэһэ долгуҥҥа тоҕунна.
Ол Лена эбэбит биэрэгэр дуол саҥа
Куораттар, тутуулар, заводтар көстөллөр;
Субуллар хоп-хойуу буруолаах суон хара
Хоройбут турбалар халлааҥҥа ууналлар.
Билигин, урукку сэки-маар сыһыыга
Бухатыыр трактор буор кырсын элийэр.
Хас алаас үрдүгэр — колхозтаах селоҕа
Киэҥ түннүк чаҕыла килбэҥнии сыдьаайар.
Ырааҕы-чугаһы үргүлдьү сибээстээн,
Телефон быалара дыргыһан бараллар;
Систэри-маардары уҥуордуу чиэрэстээн
Симиилээх буор суоллар нэлэһэ сыталлар.

* * *
Лена биир балтыгар — Алдаҥҥа хайаны
Аннынан курдаттыы шахтаны хастыбыт;
194