Page 207 - Сергей Васильев. Өлбөт өрөгөй

Ол бобо бааллыбыт кынаттаах хотойдор
Силлиэни биттэнэн сиринэн дайаннар:
«Дьол төрүүр сиригэр көтүөҕүҥ!»— дииллэрз
Ыал ахсын, күн курдук, кылбааран киирэрэ.
Ол онтон сахалар уһуктан турбуппут,
Симиктик умайар көмүлүөк инниттэн
Саҥарбыт саҥабыт сатаҕа барбыта,
Аан дойду ырыатын 1 баалыгар холбоһон.
Октябрь күүрэзннээх этиҥин этитэн,
Нууччабыт эрчимнээх илиитин ууммута.
Тоҥ хаайыы дьэбиннээх күлүүһүн алдьатан,
Сахаҕа үрүҥ күн сырдыгын аспыта.
Кэрэтиэн, кытаанах муҥнары ааспыттар,
Кытарбыт тимири үрдүнэн хаампыттар —
Билигин үрүҥ кун сырдыгын көрбүппүт,
Күөх хочо күөнүгэр бу көҥүл көппүппүт.

ИККИС АҤАРА

Кыпчыйбыт кыһалҕа хараҥа күлүгэ,
Кырыыстаах түүн курдук, кыйданан арахта;
Туруйа кыыл мунан ытаабыт тумана
Туундара үрдүгэр быданан баранна.
Күндээрзр күн уота күлүмнээн таҕыста,
Дьол-соргу чыычааҕа уйатын тутунна.
Таас хайа тоҥ чэҥэ сүүрүккэ суулунна,
Үргүбүт сылгылыы, айманан уһунна.
Урукку, иһийбит тоҥ кыраай уһуктан,
Скбэкки киистэтэ күөгэйэ нусхайда,
Күөх кырыс чэлгийэн көбүөрдүү симэнэн,
Киэҥ биэрэк унаара-мэнээрэ долгуйда.
Интернационал
Заказ № 236 193