Page 210 - Сергей Васильев. Өлбөт өрөгөй

Оҕонньор тараҕай баһыгар маарыннаан
Орулҕан хайатын төбөтө килтэйэр,
Дьапталҕа алтана ыйдыҥа туүннэргэ
Дьэс кыһыл сылабаар өҥүнуү килбэйэр.
Аатырар кылааппыт: сиэрияэй канчадаал
Бу Лена хайатын тэллзҕэр— дьапталҕа,
Ууллубут сибиниэс, килбэйэр курустаал,
Мэктизтин, кыдьымах мууһунуу, халйаһа.
Тырымныыр үчүгэй толбонноох мыраамар —
Тымныылаах Дьааҥыга тулааһын баҕана;
Аран а сүлүүдэ, араҕас таас дьантаар —
Өргөдьөй эҥэрин ойуута-дьарҕаата.
Кылааппыт: даркылыы кыстаммыт кыыл муоһа,
Кэмпэндээй туттайар булгунньах таас тууһа,
Киэҥ Садын күндээрэр исландскай шпата,
Абалаах тураҥын хомурах суодата.

Кылааппыт: хорҕолдьун быыһыттан көстүбүт,
Ып-ыраас кылбайбыт баай үрүҥ көмүспүт;
Сир хорук тымырын уступая бу тыкпыт,
Саһархай дьүһүннээх хойуу нефть сүүрүкпүт.
Күн уота хайаҕа бу баайы туоһулаан
Күндээрэр күлүмүн күллэрэ оонньоото;
«Көмүһүм», «алмааһым»,— диэбиттии курулаан,
Көмүстээх үрүйэ сүүрүгэ тыаһаата.
«Торҕо күөх дойдуга
Тулааһын буоллун!— диэн,
Кыргыһар күннэргэ
Кылыспыт буоллун!— диэн,
Бу манна таас чохтоох
Донбаһы аһыаҕыҥ,
Уһаарыы тимирдээх
Уралы айыаҕыҥ,
196