Page 211 - Сергей Васильев. Өлбөт өрөгөй
P. 211
Баһыллар баай нефтээх
Бакуну булуоҕуҥ,
Туолбаттан бензини
Турбанан сүүрдүөҕүҥ!
Наада дуо кыраайга,
Наада дуо кыайыыга,—
Күөх толбон ойуулаах
Мыраамар тааһынан
Былыттыын аалсыһар
Дыбарыас тутуоҕу?!
Ленаны үрдүнэн
Мамонт кыыл муоһуттан
Толуукан муостаны
Дугалыы иэгиэҕи?!
Наада дуо кыраайга,
Наада дуо кыайыыга,—
Москва куоракка
Бу мантан тилийэ
Тимир суол ыллыгын
Тэлгэтэн тиэрдиэҕи?!
Көмүстүү күлүмнээх,
Көрүөхтэн үчүгэй
Экспресс бэрдинэн
Иһиирдэн иһиэҕи?!
Торҕо күөх кыраайга
Тулааһын буоллун!— диэн,
Кырыыһы кыйдыырга
Кылыспыт буоллун!— диэн,
Байҕаллыы баалланар
Баараҕай күүһүнэн
Улуукан тутууну
Уһаара туруоҕуҥ!»
Бу курдук ыллыыбыт саргылаах сахалар,
Бу курдук күрэхпит инники талаһар,
197
