Page 213 - Сергей Васильев. Өлбөт өрөгөй

Комбайн массыына быстаран тибийэн,
Колхозтаах бааһынай үөрүүтүн үрдэттэ.
Сиидэнэн сиксийэн, сиэмэни көтүтэн
Араҕас туораҕы арааран түһэрдэ.
Сүүһүнэн трактор бу Лена сыһыытын
Эргийэн, буор кырсын быа курдук элийдэ,
Хараҥа ойуурдаах Хаҥалас сис тыатын
Баараҕай тииттэрин барчалаан охтордо.

Трактор ньиргийдэ: үрэххэ, алааска,
Аммаҕа, айгыстар ача күөх сыһыыга,
Ньурбаҕа, унаарар-мэнээрэр толооҥҥо,
Киллэмҥэ, кыраайа көстүбэт кытылга...

Кыраайбыт биһиэнэ — чэлгийбит күөх туона,—
Трактор ньиргийэр бурдуктаах киэҥ буола!
Ол иһин эйиэхэ эҕэрдэ этэбит,
Ол иһин эйиэхэ баһыыба биэрэбит!
* * *
Доҕоттоор, кэрэтиэн хамыһы тардыахха,
Ыһыахха мунньустан эһиэкэй этиэххэ.
Күөх сирэм кырыска көҥүллүк дайыахха,
Күүрээннээх ырыаны дьиэрэтэн иһиэххэ.
Дьэ тахсан ыллыаҕыҥ Тиксииттэн, Алдантан,
Сиэттиһэн көтүөҕүҥ Бүлүүттэн, Дьааҥыттан.
Хотугу хо1юону иһиттин грузин,
Ш1ИТТИН белорус, эстонец, армянин...
Урукку иччитэх хайабыт кэтэҕэр
Балаакка, үрүҥ муос дуобаттыы, элбээтэ.
Радио ол тайҕа киэлитин эймээтэ,
Сүгэбит киил маска тыастаахтык ыллаата.
Артыаллаах булчуттар хайыһар тэбэннэр
Арыы тыа быыһынан элэҥнээн иһэллэр,
199