Page 214 - Сергей Васильев. Өлбөт өрөгөй

Киэҥ тайҕа киэлитин ырыанан эймэтэн,
Бу курдук тойугу дуорачмы туойаллар:
«Сымнаҕас көмүспүт
Сыанаҕа турдун!— диэн,
Советскай Союзпут
Симэҕэ буоллун!— диэн,
Өстөөҕү өһөрөр
Өргөһү күүртүн!— диэн,
Кылааннаах түүлээҕи
Кыһанан бултуубут.
Наада дуо билигин,
Суор§аны тигэммит
Тоҥ мууһу үллүммүт,
Сааһыгар ирбэтэх,
Хотугу полюһу
Ууллара сабыаҕы?!
Сиэгэнтэн, бэдэртэн
Саахымат ойуулаах,
Көһүнэн усталаах
Сөрүөнү тигэммит
Буурҕаны-силлиэни
Хаххалыыр арҕастаах,
Хайаны үрдүнэн
Бүрүйэ тэлгиэҕи?!»
* * *

Кыраайбыт биһиэнэ — бу түүлээх завода,
Көп-күндү кылааннаах иитиллэр уйата!
Ол иһин, партия эҕэрдэ этэбит,
Ол иһин баараҕай баһыыба биэрэбнт!
Бу уйгу быйаҥнаах унаар күөх кыраайбыт,
Муҥутаан, күн аайы барҕара сайынна...
Анныгар үрэхтээх бэс ойуур быыһыгар
Курорту, сынньанар дьиэлэри астыбыт.
200