Page 217 - Сергей Васильев. Өлбөт өрөгөй

Остуорас Түмэппий оҕото Лэгиэнтэй,
Кунаны айааһаан сир тиэрбит сэгэттэй,
Улаатаат — учуутал, ыччаты үөрэтэр,
Лнньыммыт медала кинини киэргэтэр.
Үлэһит киһи дьэ күн диэки хайыста,
Бухатыыр бэрдинии, эрдээхгик тутунна,
Төрөөбүт кыраайын ии курдук эргийдэ,
Сир-дойду үрдүгэр хаһаайын — мин!— дэннэ.
Өрөөбүт уоспутун Октябтан аспыттар,
Үөрүүлээх дьолбутун хоһуйан ыллыыбыт,
Ыар баттал ынырын тулуйан ааспыттар
Ыралаах кэскилбит эрэлин тыллыыбыт.
Көҥүллээ саха ол бэйэтин туһунан
Ыллаабыт ырыатын бу манна холбуоҕу,
Хомуска эйээрдэн, хоһоонун саҥардан,
Хочоҕо киирэммит бу курдук туойуоҕу:
«Урукку үйэ5э кэлгиллэ сыппыппыт,
Уотунан таһыллан иэһэрэ хаппыппыт,
Ол иһин силлиэнэн сэтэрэ сүүрбүппүт,
Ол иһин урукку олоҕу үүрбүппүт.

«Коммунизм ча5ылхай таас дьиэтин тутабыт,
Суолугар күн көмүс далаһа уурабыт.
Ол иһин туохтан да толлубат эрдээхпиг,
Ол иһин баараҕай балаһа күүстээхпит.
«Убайым — эн, нуучча, көлөттө сыппыты
Көннөрө тардаҥҥын, кэллибит бу бары.
Ол иһин эн итин илиигин тутабыт,
Ол иһин хаан-уруу бырааттыы буолабыт.
«Кыраайбыт аан дойду уорҕатын киэргэттиҥ,
Олоҥхо аар-хатыҥ маһыныы чэлгиттиҥ!
Бу саха сир үрдүн эргийэ хаамыстыҥ,
Эдэркээн киэбинэн эрдээхтик сылдьыстыҥ!
203