Page 222 - Сергей Васильев. Өлбөт өрөгөй
P. 222
Бухатыыр илиитигэр
Муоһаҕын туттаран,—
Килиэ таас «урэхтэринэн>
Килэһийэ сүүрэн көрүлээ,
Өлгөм самыыр буолан
Үөһэттэн ардаан сирилээ,
Уһун хочуолларга киирэн
Оргуйан-тэбэн киллигирээ,
Итии мотуордарга сылыйан
Эрчимнээхтик сырдьыгынаа!
Киһи этиитинэн,
Киэҥ Ийэ дойдуну
Кэрэ дьиктинэн киэркэгис,
Сир Ийэ ньуурун
Синньэ күөбүнэн ситэрис!
Киһи эбээт!—
Буор сир буомнарын бурайан,
Бохсуллубут күүстэри босхолообут;
Аан дойду албастарын баһылаан,
Айылҕа хаҥылларын айааһаабыт!
Кини эбээт! —
Хайырҕас таас хайалар
Халыҥ ар^астарын арыйан,
Өҕүллүбэт көмүс кылааттарга
Үрүҥ күнү чаҕылыппыт;
Сүүрүкдээх улуу өрүстэр
Сүнньүлэрин туора халытан,
Кэтнт-нэлиэн сыһыыларга
Киэҥ муоралары долгуппут.
Кини эбээт! —
Тоҥ муустаах далай
Дуулаҕа модьоҕотун солообут,
Аргыардаах хотугу Арктика
Ааныи тэлэйэ арыйбыт...
Эн, киһи туһугар,
208
