Page 227 - Сергей Васильев. Өлбөт өрөгөй

Бардым...
Бардым сүрэдим-быарым курдат тардыытынан,
Бардым кутум-сүрүм ханна хайыһыытынан!
Бардым...
Бардым!..
Бардым —
Үс былыты үрдүнэн...
Үрдүк мындаалаах хайалары,
Үтүмэн элбэх өрүстэри,
Киҥкиниир киэҥ тайдалары,
Килэмэн нэлиэн сыһыылары
Көрдө-көрбүтүнэн, үгүрэлиир үөһэнэн,
Күнүнэн, түүнүнэн...
Бардым көтөн —
Сындыыстыы сыыйыллан,
Бардым кыырайан —
Охтуу суйулаан!..

* * *
Кэллим —
Кыырыктыйбыт Ильмень күөлгэ,
Кэллим —
Улуу Новгород куоракка...
Дорообо, ытык Ильмень!
Дорообо, сүдү Новгород!
Мин кэллим Эһиэхэ —
Ис сүрэдим аймалданынан,
Ийэм, аҕам долгуйуутунан.
Мин кэллим Эһиэхэ —
Сайылык эбэм ахтылҕанынан,
Санаам-оноом утатыытынан.
Мин кэллим —
Хомурах таптаан хонуктанар
Холус ыраах дойдуттан;
213