Page 35 - Сергей Васильев. Өлбөт өрөгөй

Чэйиҥ, кэлиҥ,
Тутта-хапта түһүөххэ.
Социализм
Көмүс кирпииччэтин үктэһиэххэ!
Коммунист сүрэҕэ
сүрэхтэниэххэ.
Этиҥ эрчимэ
эрчимнэниэххэ.
Чаҕылҕан кылыһа
кылыстаныахха.
Сындыыс курдук
сырыыланыахха.
Оннук!
Олох-дьаһах күүрээнигэр
Оройуону улаьатыттан хамсатыахха,
Кыайыы-хотуу сүүрээнигэр
Эрдиммит борукуоттуу өксөтүөххэ!

Чэйиҥ,
Сэттэлии көһүнэн хардыылыахха,
Чээл күө5үнэн тула уруйдуохха!
Ыал ахсын радиота киллэриэххэ,
Ыал ахсын телефонна тиэрдиэххэ.
Ырыабыт ыраах чугдаарыаҕа,
Ыҥырсыы ырааҕынан сатарыаҕа!
Салгын кытта өйдөнүөҕэ,
Сана барыта күүстэниэҕэ,
Кэрэ барыта өрө түллүөҕэ,
Килиэп кытта көтөҕүллүөҕэ.

Ыал ахсын радиота киллэриэххэ,
Ыал ахсын телефонна тиэрдиэххэ —
Алар, толоон ыллаһыаҕа,
Алаас, сыһыы айхаллыаҕа.
1936 с.
29