Page 36 - Сергей Васильев. Өлбөт өрөгөй
P. 36
ДЬОЛ ТУОНАТА
Сир-дойду уорҕатыгар
Синньэ дьэрэкээн тардылынна,
От-мас уһугар
Оһуор ойуу охсулунна.
Манна паарката аһыахха,
Баараҕай тутуута ыытыахха!
Арыллар аарката анньыахха,
Күулэйдиир суолла тэлиэххэ!
Манна титирик чэлгийдин,
Манна хатыҥ наҥнайдын,
Манна талах лаглайдын,
Манна сибэкки дэрбэйдин!
Олох дьолун туоһулаан
Оҕо-ыччат субустун!
Ырай сирин уруйдаан
Ыччат-билэ ылластын!
Тэлибирэс эдэр тэтиҥнэр
Тэбис-тэҥҥэ үҥкүүлэстинэр.
Ыраах турар харыйалар
Ыйдыҥалаах түүҥҥэ кэтэстинэр
Бары тахсан күүлэйдиэххэ,
Бары тэҥҥэ үҥкүүлүөххэ!
Манна паарката тутуохха,
Арыаллаһар суолла аһыахха!
Дьоннор куруутун баар буолуох
Куруутун манна оонньуохтара.
Ыччат куруутун мустуода,
Ырыа куруутун чугдаарыаҕа.
Үөрүү куруутун сайда туруоҕа,
Үҥкүү куруутун баар буолуоҕа.
30
