Page 105 - Иван Мигалкин Күн таммаҕын ыһыспыт дьылҕалар

пит мэлдьэх буолбатах. Олохпутугар көрсөр ыарахаттар-
бытын бэрт судургутук, чэпчэкитик туората охсон, кыа-
йыы үрдүк аартыгар дөбөҥнүк дабайан, чуумпутук, нус-
бааччы сынньана олорору ыралыыбыт. Киһи буолан айыл-
ҕаттан айыллыбыт бу барыбыт итэҕэспит, ону баалыыр,
хомуруйар табыллыбат.
“Хас биирдии интеллигентнэй киһи олус көмөлөөх 8-10
кинигэни олоҕун устата ааҕарын туһуттан, олор ханнык-
тарын билээри 15 тыһыынча кинигэни ааҕыахтаах” диэн
нуучча суруйааччыта Исаак Бабель этэн турар. Дириҥ
билии, үрдүк культура, дьоҥҥо-сэргэҕэ истиҥ сыһыан —
барыта кинигэттэн саҕаланар. Эдэр автор кинигэттэн
үтүктэн, устан ылаары буолбакка, онтон үөрэнээри, исто-
рия лоскуй кэмин үөрэтээри ааҕар. Өссө студенныыр сыл-
ларбыттан кинигэни муспутум, билигин дьиэтээҕи библио-
текабар биэс тыһыынча кинигэ баар. Олору өрүү хасыһан,
көрө сылдьар идэлээхпин. Дьиэтээҕи кинигэлэрбэр сыһыа-
ным туһунан “Эрэллээх доҕотторум — кинигэлэр” диэн
хоһоонноохпун:
Миэхэ эрэллээх доҕоттор бааллар —
Ыга симсэн кэккэлээбит кинигэлэр,
Санааргыыр, санньыйар чаастарбар
Күүс-көмө буолаллар кинилэр...

Санаабын үллэстэллэр, сүбэлииллэр,
Дьылҕабын суолдьут сулустуу ыйаллар.
Махталым муҥура суох, эһиэхэ — Кинигэлэр,
Оҕо сааспыттан үтүөкэннээх аргыстар.

Сорох ардыгар чуҥкуйан, сылаарҕаан —
Таптыыр кинигэбин ыламмын ааҕабын,
Көстөн кэлэр харахпар бу баардыы —-
Көрбөтөх суруйааччым илэ турардыы.
Доҕордуу, истиҥ сыһыанынан
Кини сэһэргэһэр, санаа атастаһан —
Суолбун тобулар сүбэһит буолан,
Олоххо эрэлбэр эрчим-күүс уган...
Саха литературатыгар сэрии кэнниттэн киирбит су-
руйааччылар эдэр автордарга үтүө сыһыаннарын билбип-
пинэн, кинилэр олоххо үөрэтэр-такайар истиҥ сүбэлэ-
рин-амаларын ылбыппынан аҕа көлүөнэ суруйааччыларга
махталым улахан. Олус үчүгэйдик саныыбын: Семен Ни-
кифоровы, Константин Туйаарыскайы, Феоктист Софро-
новы уонна билигин да айар үлэ үөһүгэр сылдьар биир

101