Page 106 - Иван Мигалкин Күн таммаҕын ыһыспыт дьылҕалар

дойдулааҕым Иннокентий Артамоновы, Алексей Бродни-
ковы, Степан Тимофеевы, Василий Сивцеви.
Суруйааччы буола сатыыр сүүрбэлээх уолчаан, оччо-
лортон бэйэтин бириэмэтин нөҥүөлээн инникини өтө көрөн
дириҥ иэйиилээхтик олоҕу хоһуйбут Варя Потапованы,
намыын, холку майгылаах, мичээрэр харахтаах Василий
Яковлевы, ханна да баар буоллун, хоһоон сиэдэрэй ыһыа-
ҕын ыһар Валерий Чиряевы, үйэҕэ хаалар ырыалары
суруйбут Альберт Бүлүүйүскэйи, киһи киэнэ холкута, киэҥ
санаалааҕа, эбээн норуотун улахан талаана Платон Ла-
мутскайы, кыра оҕолуу үөрүнньэҥ Василий Лебедеви,
атыҥҥа аралдьыйбат үлэһит үтүөтэ Алексей Бээрийэги,
сайаҕас майгылаах уола Илья нөҥүө билсибит талааннаах
поэппын Таллан Бүрэни кэм-кэрдии аастар да, сырдык,
ыраас өйдөбүлүнэн билиҥҥэ дылы ахтабын...
Суруйааччы эмискэ халлаантан түспэт. Кини элбэх кис-
тэлэҥ таайтарыылаах олоҕу, дьону-сэргэни кытта тэҥҥэ
аалсыһан, сорох ардыгар мөккүһэн, бэйэтин кырдьыгын
өрө тутан, сорох ардыгар сүлүһүннээх хобу-сиби сүрэҕин
ортотунан бэрт ыарыылаахтык аһаран, олоххо сырдык
санаанан дьүккүөрдээхтик тардыһан, түүннэри-күнүстэри
сыралаах үлэтинэн-хамнаһынан суруйааччы буолар. От-
тон, эдэр суруйааччы олоххо билбэтэ элбэҕиэн! Ону-маны
билэрбинээҕэр билбэтим күн-түүн элбээн иһэр! Ити били-
гин! Оттон урут — тугу да билбэтим, арай суруйарга ула-
хан баҕалааҕым!
1976 сыллаахха олунньу 18 күнүгэр Николай Алексее-
вич Габышев курорка баран иһэн, Москваҕа тохтоон, миэ-
хэ хонон-өрөөн ааспыта. Кини киһи кэһиитэ да улахана,
бэйэм быһаҕаспынан сылдьар тоҥ балыктааҕа. Бастаан
иккиэн, онтон билигиҥҥинэн эттэххэ, хас да уопсай атас-
тарбыт спонсорство быһыытынан бэрт улгумнук көмөлөһөн,
биирдэ охсон кэбиспиппит. Түүнү быһа Николай Алексее-
вич биһикки сэһэргэспиппит. Кини миигиттэн: “Поэма су-
руйаҕын дуо?” — диэн ыйыппыта. Мин “Суох!”— диэн
хардарбытым. Онуоха киһим: “Поэма суруйарыҥ уолдьас-
та, — диэн баран: — “Буурҕа” туһунан поэмата суруй,
тематын уонна былаанын этэн биэриэм, уруучуката ылан,
сурунан ис”, — диэбитэ. Ол суруммуппун эдэр автордар
үлэлэригэр көмөлөөх буолуо дии санааммын, бу кинигэ-
бэр киллэрдим.

102