Page 109 - Иван Мигалкин Күн таммаҕын ыһыспыт дьылҕалар

д) Силлиэ уонна Буурҕа — киһи аймах бас-
тын тренердэрэ...
VIII. Эдэр ыччат дууһатын сөрүүр силлиэ-
буурҕа.
а) Бу силлиэни айхаллааһын,
б) Бу буурҕаны уруйдааһын!
(Кинилэр улуу Ойуунускай ырыаларын курдук киһини
тардаллар, ыччат онно ис сүрэҕиттэн сүгүрүйэр! Алампа
ааттаах-суоллаах айымньыларыныы ис киирбэхтэр, эдэр-
дии эрчимнээхтэр.)
IX. Оптимистическай буурҕа.
Инникигэ эрэли ыһыктыы — санаа өлүктүйүүтэ. Тус
бэйэтин эрэнэр киһи — сатаабатын да кыайар, санаабы-
тын хайаан да олоххо киллэрэр, биитэр киллэрсэр.
X. Бэйэм олоххо сыһыаным.
а) Тапталым — буурҕа.
б) Өстөөхпөр өһүөнүм — буурҕа.
Хос быһаарыы:
Тибии — үс күн буолар,
Силлиэ — алта күн буолар,
Буурҕа — тоҕус күн устата ытыллар,
Мунутуур буурҕа, Улуу буурҕа — уон икки күн!!!
Николай Габышев бу “Буурҕа” поэманы миэхэ суруй
диэн тематын уонна былаанын этэн биэрэр кэмигэр 54
саастааҕа, оттон мин сүүрбэ иккилээҕим. Манан тугу этээ-
ри гынабыный, кини өйүгэр-санаатыгар, дириҥ билиити-
гэр, психологическай уонна философскай толкуйугар тии-
йиэм билигин да ыраах, онон бу поэманы кини миэхэ этэн
биэрбит сааһыгар — 54-пэр суруйар баҕалаахпын. Ити
кэлэр үйэҕэ — 2008 сылга! Онуоха дылы тыыннаах тии-
йиэххэ, элбэҕи билиэххэ-көрүөххэ, суруйуу мындыр маас-
тарыстыбатын эттиин-хаанныын, сүрэхтиин-дууһалыын
оргуйан олорор гына баһылыахха наада.

1994 сыл,
Тойон Мцрц алаас

СҮРЭХ АХСЫН СЫЛААСТЫК АХТЫЛЛАР
( э с с е )
Софрон Петрович Данилов “Тиһэх күммэр” диэн хоһоон-
ноох:
Кэриэс санаабын ырыанан саҥарабын...
Мин тиһэх күммэр этиэхпин баҕарабын:

105