Page 122 - Иван Мигалкин Күн таммаҕын ыһыспыт дьылҕалар

тибэни тутарга дэлэлээх ороскуот наада үһү дуо? Манна
кадр да суох. Оннооҕор ойох-эр арахсара уустук. Сарсыарда
турдуҥ да, Россияттан арахсабын диэн буолбат. Билигин
итинник боппуруос турара наадата суох дии саныыбын.
Хара маҥнайгыттан көмүс, алмаас промышленноһа
үөскүүрүгэр итилэргэ кадрдары иитиигэ сыыһа политика
баара.
Арай 20-с сыллардаахха Аммосовтаах, Ойуунускайдаах
Саха сирин салайан олордохторуна, оччотоооҕуга Алдан
көмүһүн промышленноһа үөскүүрүгэр кинилэр тэрийэ
сатаабыттар эбит. Бастакытынан, ити үлэҕэ соҕурууттан
дьон кэлиитин боборго, хааччахтыырга уонна олохтоох
кадрдары үөскэтэргэ турууласпыттар. 20-с сыллар бүтүүлэ-
ригэр, 30-с сыллар саҕаланыыларыгар колхозтартан кыр-
гыттары, уолаттары Алдаҥҥа ыыталыырга үлэ барбыта.
Алдаҥҥа шахтаҕа үлэлэтэллэрэ. Аатырар “Косаревка”
шахта үлэһиттэрэ үксэ сахалар этэ. Аммосовтаах уура-
тыллыбыттарын кэннэ ити үлэ хаалбыта, сахалар үгүстэ-
рэ төннүбүттэрэ. Өссө Аммосовтаах команднай постарга
сахалары туруорар инниттэн республика оройуоннарыт-
тан эдэр коммунистары сүүмэрдээн Пром-академияҕа биир
курсу барытын, 12 киһини дуу ыыппыттара. Олор бүтэрэн
кэлэннэр, Алдаҥҥа бары салайар үлэҕэ үлэлээбиттэрэ. Он-
тон үгүстэрэ 37 сыл кэлэн хаайыллыбыттара, ытыллы-
быттара.
(Саха сирин народнай суруйааччыта Софрон Петрович
Данилов төрөөбүт улууһун дьаһалтатыгар буолбут бэйэ-
тин тиһэх көрсүһүүтүгэр билиҥҥи кэми үчүгэйдик
өйдөөбөтүн, Коммунистическай партия уонна Советскай
былаас сууллубуттара түргэнэ бэрдин, рыноктан дьикси-
нэрин, итиэннэ сибилиҥҥи саамай мүччүргэннээх кэмҥэ
М.Е.Николаевтан ураты Президент буолар киһибит суо-
ҕун тустарынан эппит.)
Эмиэ бу көрсүһүүгэ академик Афанасий Осипов: “...
Софрон Петрович саха норуотуттан соҕотох киһибит, ки-
нини ким да солбуйбат. Ханнык баҕарар үрдүк дуоһунас-
таах киһини солбуйар дьон тахсан, үүнэн иһэллэр, ону
бэлэмниэххэ да сөп. Оттон Софрон Петрович суох буолла-
ҕына, кинини солбуйар суруйааччыны хантан да булбак-
кын. Ол иһин биһиги талааннаах суруйааччыларбытын
сыаналыыбыт, кинилэр уратылара диэн онно сытар. Бу
улахан суруйааччылар саха норуотун олоҕун-дьаһаҕын,
норуотун уобараһын ойуулаан-бичиктээн көрдөрбүттэрэ
атын норуоттарга тарҕанар. Ол курдук Софрон Петрович
айымньылара элбэх омук тылынан бэчээттэммитэ. Олортон
билэннэр маннык норуот баар эбит, маннык олохтоохтор-

1 1 8