Page 123 - Иван Мигалкин Күн таммаҕын ыһыспыт дьылҕалар

дьаһахтаахтар, өйдөөхтөр-санаалаахтар, маннык ис дуу-
һалаахтар эбит диэн умсугуйан туран ааҕаллар”, — диэн
ытыктыыр суруйааччытын туһунан эппит. Оччолорго Саха
сирин Суруйааччыларын союһун бырабылыанньатын пред-
седателин солбуйааччынан үлэлии сылдьар, билигин бу
айар союз председателэ, Саха Республикатын народнай
поэта Савва Тарасов:
— Биһиги национальнай интеллигенциябыт баһылыыр-
көһүлүүр, ылынар киһилэрэ Софрон Петрович диэн
ааҕабын.
Софрон Петровиһы Россия, урукку Союз суруйааччы-
лара да ураты чорботон туталлар диэн мин бэлиэтиэхпин
баҕарабын. Ол суруйааччылар улахан түмсүүлэригэр мэл-
дьи көстөр. Итини мин эрэ бэлиэтии көрөр буолбатахпын,
Саха сириттэн барбыттар үгүстэрэ инньэ диэн этээччилэр.
Уонна Софрон Петровичтан онно тиийдэҕинэ хайаан да
тылла эт, эн санааҕын тиэртэххинэ сатанар диэн мэлдьи
көрдөһөллөр. Өссө батыһа сылдьан ааттаһар, этэргэ дылы,
сүгүн да сынньаппат буолааччылар. Оттон Софрон Петро-
вич, холобура, бу боппуруоска баҕас миигинэ суох тыл
этэллэрэ, быһаарсаллара буолуо диэн бэлэмнэммэккэ да
тиийдэҕинэ син биир тылларыгар киллэрэннэр, үүннээх-
тэһииннээх этиини истэн хаалаллар. Бу Россия таһымы-
гар дириҥ ытыктабыл буолар, — диэбит Савва Иванович.
(Улахан, кыра да араас таһымнаах көрсүһүүлэргэ, лите-
ратурнай түмсүүлэргэ, итиэннэ юбилейнай мунньахтарга
Софрон Петрович элбэхтэ кытыннаҕа, элбэхтэ тыл да эт-
тэҕэ, олору барытын бу курдук суруйан ылбыттара буол-
лар, кини хаалларбыт литературнай нэһилиэстибэтин үөрэ-
тиигэ уонна чинчийиигэ олус да туһаныахтара хааллаҕа?!)
М.Прохорова народнай суруйааччы Софрон Данилов
“Сүрэх тэбэрин тухары” романыгар айбыт ох тылларын
үүнэн иһэр эдэр ыччакка сыһыаннаан “Ыччакка сүбэ-ама
буолуохтара” диэн ааттаан улууһун “Үлэ күүһэ” хаһыак-
ка (Балаҕан ыйын 11 күнэ, 1993 с.) таһааттарбыт:
— Сирэр, критикалыыр саҕа дөбөҥ бу орто аан дойду-
га суох.
—Дарбааннаах тыл бэрт дөбөҥнүк этиллэр, ол курдук
бэрт дөбөҥнүк умнуллар.
— Харах — киһи дууһатын сиэркилэтэ. Куһаҕан, кир-
дээх кэтэх санаалаах киһи хараҕа хаһан да сырдыы сыл-
дьыбат.
— Оҕо кыраҕы хараҕыттан, чуор кулгааҕыттан тугу
да кистиэҥ суоҕа.
— Оҕону төһө элбэхтик солуута суох буойаҕын, мөҕө-
ҕүн да, соччонон буойууга, мөҕүүгэ үөрэнэн хаалар.

119