Page 124 - Иван Мигалкин Күн таммаҕын ыһыспыт дьылҕалар

— Сир үрдүгэр төлөммөт иэс суох.
— Кырдьыгы утары өрөлөһөн кыайбыт суох. Кырдьык
мэлдьи кыайар.
— Төрөөбүт дьонун-сэргэтин, төрөөбүт норуотун кытта
сибээһэ быһынна да киһи үөтэлээбэт.
— Бэйэ саныыр санаатын утарылаһар — дохсун сүүрүгү
өксөйөр кэриэтэ.
— Бу орто дойдуга ханнык да сыыһа-халты иэстэбилэ
суох буолбат.
— Киһи үгүһү күүтэр киһититтэн көрдөбүлэ да үрдүк
буолааччы.
— Эдэр сүрэх аһаҕастык, көнөтүк кэпсэтиини сөбү-
лээччи.
— Инники кэскилин туһугар өрө күүрбэтэх киһи кына-
та суох көтөргө холоонноох.
— Бэйэтин бириэмэтин охсуһуутуттан туора турар киһи
уота өспүт кутааҕа маарынныыр.
— Үтүөнү өйдүүр, кэрэни кэриэстиир эрэ көлүөнэ үрдүк
аналга тиксэр дьылҕалаах.
— Кырдьыктан кыыһырар сатаммат, кырдьыгы кыы-
һыран кыайбаккын.
— Кырдьыктан саатыахха сатаммат.
— Кыаммат, мөлтөх киһини биитэр кыра оҕону аһы-
ныахха сөп.
— Кырдьары ханнык да бэйэлээх күөх көппө сатыаҕа,
киһини бытыгын иһин буолбакка, үлэтин иһин ытыктыах
баара.
— Куһаҕан бастаан сыстыа эрэ кэрэх — ыраастанарыҥ
күчүмэҕэй.
— Сорохтор биэс уоннарын саҥардыы атыллаат, “би-
һиги оҕонньоттор” диэн тылланар үгэстээхтэр. Уонна ону
кытта сэргэ көхсүлүүн нүксүйэн, атахтыын-илиилиин ба-
кыйан, айалаан-дьойолоон, өйдүүн-санаалыын умуллан,
кэхтэн, эмэҕирэн барааччылар.
— Ордук хоһу саҥарыахпыт диэн арай чиэһинэйэ суох,
кэтэхтэригэр кирдээх санаалаах дьон куттанар үгэстээх-
тэр.
— Уопсай дьыалаҕа кыырпах да саҕа кэтэх, хос санаа
булкуһара сатаммат.
— Сонун харах ордук кыраҕы, көрө үөрэммит киһи
көрбөтүн көрөр дииллэрэ кырдьык.
— Дьиҥнээх олоххо ардыгар сымыйа кырдьык мааска-
тын кэтээччи, оччоҕо кырдьыктааҕар ордук кырдьык буо-
лан көстөөччү.
— Таптал сүрэххитигэр тыыннааҕын тухары эһиги модун
күүстээх, самныбат санаалаах буолуоххут.

120