Page 125 - Иван Мигалкин Күн таммаҕын ыһыспыт дьылҕалар

* * *

1985 сыл. Кулун тутар 12 күнэ. Софрон Петрович үлэ-
лиир кабинетыгар иккиэйэх олорон, чаастан ордук кэп-
сэппиппит. Кини бу күн үчүгэй настырыанньалаах быһыы-
лааҕа, онто сирэйигэр-хараҕар өтө көстөрө. Саната-иҥэтэ
бэрт намыына, холкута. Хаста да Семен Петровичтыын
олорор курдук сананан ылбытым. Бэл, куоластыын, тут-
тардыын-хаптардыын маарыннаһаллара.
— Софрон Петрович, эн Семен Петровичка наһаа маа-
рынныыгын, куолаһыҥ эмиэ, — диэбиппэр, саҥата суох
дириҥ санаарҕабыллаахтык көрөн ылбыта.
Хомоттум дии санааммын, кэпсэтии тосхолун атыҥҥа
уларыппытым. Тугу суруйуохпун баҕарарбын эппитим уонна
биир суол мунаарар боппуруоспун ыйыппытым:
— Софрон Петрович, иллэрээ сыл “Эдэр коммунист”
хаһыакка “Норуот кистэлэҥ күүһүн хоһуйуу” диэн ааттаам-
мын эн айымньыларгар ааҕааччы бэлиэтээһинин оҥорбу-
тум. Ону аахпытын эбитэ дуу, суоҕа дуу? (Кини аахпы-
тын эппитэ.) Ол балаһа аҥарын курдук ыстатыйам тахсы-
бытын кэннэ, биир прозаик атаһым көрсөн: “Уйбаан, Су-
руйааччы союһугар түргэнник киирээри Софрон Петро-
виһы хайҕаабыккын. Кини курдук улахан суруйааччыны
улахан дьон суруйуохтаахтар, норуокка ытыктанар дьон.
Улахан званиелаахтар. Онтон быйыл саас Николай Габы-
шев курдук бөдөҥ суруйааччы 60 сааһын туолбутугар эмиэ
“Эдэр коммуниска” эн, Ньукулай Босиков уонна Рафаэль
Баҕатаайыскай суруйбут этигит, — диэбитэ. Маны, Со-
фрон Петрович, олох сыыһанан ааҕабын! Эйигин уонна
Николай Алексеевич Габышевы таптыыр суруйааччыла-
рым быһыытынан суруйбутум. Суруйааччы союһугар кии-
рэр туох да кэтэх санаата суох. Кырдьык, авторитеттан-
нахпына, Семен Петровиһы суруйуом.
— Уйбаан, ол авторитет диэннэрэ кэлэрэ баҕар ыраах
буолуо. Киһи үйэтин тухары үлэлээн авторитеты ылар.
Мин авторитеттаахпын дэниэхпин киһиргэнии буолуон сөп.
Эн тугу саныыргын, таптыыргын, тугунан киэн туттаргын
суруйан ис! Бэйэҥ суруйуугуттан кыбыстыбат уонна бэйэҥ
дууһаҕын албыннаммат гына! Баҕар, Семен Петрович ту-
һунан да буоллун, эбэтэр атын да ытыктыыр, ис сүрэх-
хиттэн сыаналыыр улахан суруйааччыларыҥ да туһунан
буоллун. Үчүгэй диэтэхпитинэ, “Хотугу сулуска” да бэчээт-
тиэхпит. Саныыр санааҕын суруйарга үөрэн. Оттон прозаик
атаһыҥ “улахан суруйааччыны улахан дьон суруйуохтаах-
тар” диэн этэрэ сыыһа! Ким баҕарар, кими баҕарар су-
руйуохтаах. Кыратыттан, улаханыттан тутулуга суох.
121