Page 57 - Иван Мигалкин Күн таммаҕын ыһыспыт дьылҕалар

— Баар.
— Дьоҥҥо төһө көрдөрдүҥ?
— Суох быһыылаах.
— Тоҕо дьиэбэр хаалларбакка бардыҥ. Суругу сүтэр-
дэҕэ, дьоҥҥо мээнэ көрдөрө сырыттаҕа диэммин мунчаар-
дым. Сатана киһитэҕин! Хайдах киһи буолуох бэйэккэҥ
буолла?! (Семен Петрович саамай кыыһырбыт, хомойбут
кэмигэр миэхэ туттар тыла-өһө.)
— Семен Петрович, телеграммам иһин бырастыы гын,
— диэн улаханнык хараастан, ытамньыйа былаан көр-
дөстөҕүм буолуо, киһим күлэн мүчүйэ-мүчүйэ:
— Киһи, биитэр кии буолар киһитэҕин, этэҥҥэ сы-
рыт, доҕоор! Сүтэрбэтэх буоллаххына, били айдааннаах
суруктарын аҕал эрэ! Ис хоһоонун билэҕин дуо?
— Аахпытым, Юрий Грибов бэйэтэ аахтарбыта.
Бу Өксөкүлээх Өлөксөйү баһааҕырдар киэҥ ис хоһоон-
ноох сурук этэ. Ол миэхэҕэ хайдах быһыылаахтык тикси-
битин кылгастык кэпсиир буоллахха, “Литературная Рос-
сия” еженедельниккэ хоһооннорум бөлөҕө тахсыахтааҕа.
Учууталым, поэтическай семинарым салайааччыта Сер-
гей Смирнов киирии тыллаах. Кини миигин институкка
көрсөн эппитэ:
— Сегодня сходи к Юрию Грибову, примерно в четы-
ре часа. Он главный редактор “Литературной России”. Я с
ним договорился, так что иди прямо к нему. Он вас ждет.
Объясню, как доехать вам, — диэбитэ.
Этиллибит кэмигэр Юрий Грибов кабинетыгар киир-
битим. Бэрт номоҕон дьүһүннээх киһи суруйа олороро.
Төбөтүн өндөтөн дорооболоспута. Олорорбор эппитэ.
— Эн тускунан Сергей Васильевич да, Семен Петрович
да эппиттэрэ. Хоһоонноруҥ бу бааллар. Муус устарга та-
һаарарга былаанныыбыт. Бэйэм үчүгэйдэр дии санаатым.
Эйиэхэ көрдөһүүлээхпин, бу биир сурук баар. Бастаан ис
хоһоонун кытта билис. Аахпытыҥ кэннэ конверга уган Се-
мен Петровичка ыытыам. Киниэхэ тус бэйэтигэр эрэ биэ-
риэҥ, — диэбитэ Юрий Грибов.
Оччолорго киэҥник биллэр суруйааччы Юрий Грибов,
билигин санаан көрдөххө, Саха Республикатын Правитель-
ствотын Председателэ Василий Михайлович Власовка ис-
иһиттэн сырдыыр интеллигентнэй таһаатынан, тас
көрүҥүнэн наһаа маарынныыр курдук. Бэл саҥарардыын,
туттардыын-хаптардыын майгылаһаллар.
Юрий Грибов биэрбит суругун ааҕан көрбүтүм, саха
биллиилээх, улахан чыыннаах-хааннаах ученайдара
Өксөкүлээх Өлөксөйү урут бандьыыттарга сылдьыспыта,
онон Москваҕа юбилейын киэҥник бэлиэтиир уонна кини-
е*. 53