Page 58 - Иван Мигалкин Күн таммаҕын ыһыспыт дьылҕалар

гэтин таһаартарар сыыһатын дакаастаан, бэрт уһуннук
партия Киин Комитетыгар, ССРС уонна РСФСР Суруйаач-
чыларын союзтарыгар аадырыстаан суруйбут этилэр. Ол
ученайдар араспаанньаларын барытын көрбүтүм эрээри,
оччолорго кинилэри билбэт буоламмын, болҕомтоҕо ылба-
таҕым.
— Эн эдэр киһигин, суруйааччы олоҕо уустугун билэн
иһиэҥ. Былаас уларыйыытыгар Советскай былааһы ылым-
матах улахан суруйааччылар, биһиэхэ нууччаларга да,
атын да омуктарга бааллара. Иван Бунин, Роман Гуль,
абхазскай литератураны төрүттээбит поэт Дмитрий Гулиа
уо.д.а. (Р.Гуль уонна Д.Гулиа ааттарын онно аан бастаан
истибитим. Ол иһин кэлин кинилэр айымньыларын булан
ааҕыталаабытым. Роман Гуль суруйуулара оччолорго бо-
буулаахтара. Кини Тухачевскай туһунан суруйуутун биир
нуучча уолуттан үс дуу, биэс дуу солкуобайга уларсан
ылан аахпытым.)
— Эһиги классиккыт Өксөкүлээх Өлөксөй Советскай
былааһы бастаан ылымматах да эбит буоллаҕына, саха
литературатыгар ойуччу миэстэни ылыаҕа. Эһиги ученай-
даргыт ону өйдөөбөттөрүн сөҕөбүн, — диэн бэйэтин санаа-
тын эппитэ Юрий Грибов. Кини РСФСР Суруйааччыларын
союһун эппиэттиир секретарын быһыытынан, саха уче-
найдара партия Киин Комитетыгар суруйбут үнсүүлэри-
нэн дьарыктаныахтаах эбит этэ. Дьэ ол иһин, быһааттара
диэн, Семен Петрович Даниловка миигинэн ыыттаҕа. Ону
мин олус хойутатан тиксэрдэҕим.
Семен Петрович суругу ааҕан, сорох саха ученайдара
Өксөкүлээҕи билигин да эккирэтиһэллэр диэн бэркэ хо-
мойон эппитэ. Онтон кини суруйар хоһугар киллэрэн, эдэр
эрдэҕиттэн сурунар дневниктэрин аахтарбыта. Олору ааҕа
олордохпуна, Анна Семеновна ыҥыран ылан чэйдэппитэ.
Москваҕа үөрэнэр сылларбар кинилэргэ элбэхтэ сырытта-
ҕым буолуо. Ол былаһын тухары Анна Семеновна өрүү
үөрэ-көтө көрсөрө, хайаан да аһатан ыытара. Семен Пет-
рович дьиэтигэр-уотугар наһаа боростуой, сайаҕас май-
гылааҕа, дьээбэлээҕи кэпсэтэрин сөбүлүүрэ. Кини ис-иһит-
тэн үөрэн олорорун, үөрбүт ыраас харахтарын билиҥҥээҥҥэ
диэри суохтуубун.
Чэйдээн бүппүтүм кэннэ, А.Кулаковскай бэрт халыҥ
рукопиһын Москваҕа илдьэн, “Советская Россия” изда-
тельствоҕа туттарарбар көрдөспүтэ. Бу сырыыга тиийээт
да, тута тиксэр диэн сорудахтаабыта. Мин “ээх” диэччи
буолбутум. Дьиҥэр, кини иннигэр эмиэ буруйу оҥоруохтаах-
пын хантан билиэхпиний?
Москваҕа этэҥҥэ көтөн тиийбитим. Элбэх аһааһыннаах
54