Page 10 - Норуоттан тахсыбыт талаан

ыйыппыт. Ону дьиэтигэр кэлэн бэркиһээн кэпсээбитигэр, мин
хап сабар: “Быт түһэрэр тараах биэрбитим диэҥ этэ буоллаҕа
дии ол киһиэхэ”, — диэбиппэр саҥата суох олус улаханнык көрөн
эрэ кэбиспитэ. Манна даҕатан эттэххэ, биһиги улахан дьиэ кэр-
гэҥҥэ өргө диэри аҕабыт соҕотох үлэһит этэ, сылга хаһан эмэ
кэлэр гонорар сыыһыгар хамнаһа суох түүннэри-күнүстэри үлэ-
лээн түбүгүрэрэ. Хас эмэ сыл үлэлээбит оҥоһуктарыттан сорҕото
эрэ сыаналанара. Ол ардыгар, эмискэ истэргэ үгүөрү да буоллар,
итиччэ айахха сылга түҥэттэххэ, дуона суох буолара. Онон былыр-
гы муосчуттар үгэстэринэн, муос ордугунан аҕабыт өргө диэри
тараанар тараах оҥороро, күннээҕи килиэп харчытыгар диэн.
Ол тараахтарынан айахпытын ииттинэн улааппыппыт да диэтэххэ,
омуннааһын буолуо суоҕа.
Төһө эмэ эрдэттэн айымньылаах үлэтинэн биллибит-көстүбүт,
аакка-суолга тиксибит киһиэхэ ити соччо тоҕооһо да суох буоллар,
баар суол этэ. Хайа баҕарар айар үлэһиккэ курдук, кини да олоҕо,
үлэтэ-хамнаһа үүт-тураан буолбатаҕа. Үгүс моһоллордоох, эриир-
дээх-бутуурдаах буолара да, көнө сүрүннээх үлэһит киһи суолутган
аҕабыт туораабакка, санаатын түһэрбэккэ таптыыр идэтинэн
элбэхтик үлүмнэһэн үлэлээбитэ.
Аҕабыт сырыыны да сылдьыбыт, айаны да айаннаабыт киһи.
Ити былаһын тухары дьону-сэргэни, сири-дойдуну кытары билсэн,
элбэҕи биллэҕэ-көрдөҕө. Кэлин 70 сааһыгар аналлаах Москваҕа
буолбут айар быыстапкатыгар бииргэ сылдьыспытым. Онно куль-
тура министрэ Ю.С. Мелентьевкэ прием көрдөһөн киирэ сылдьы-
бытын өйдүүбүн. Ол кэпсэтиигэ саха искусствотыгар муосчут-
прикладниктарга сөптөөх болҕомто оччолорго суоҕун бэлиэ-
тээбитэ.
Төһөлөөх үгүс талааннар усулуобуйа суоҕуттан кэхтэллэрин,
бүтэн-оһон симэлийэн эсаалалларын хомойон кэпсээбитэ. Аҕам,
Терентий Васильевич, ханна сылдьарын былаһын тухары, саха
дьонун эйгэтин, сиэрин-майгытын, олоҕун-дьаһаҕын, үгэһин туһу-
нан билиһиннэрэрэ, тириэрдэ сатыыра. Ити майгыта кини оҥорон,
дьүһүйэн хаалларбыт үгүс айымньыларыгар арылхайдык көстөл-
лөр.
Күндүтүк саныыр аҕабыт Т.В.Аммосов бэйэтин эт илиитинэн,
айылҕаттан бэриллибит талаанынан, мындыр өйүнэн-сүрэҕинэн
саха ойуулуур-дьүһүннүүр искусствотыгар биир туспа суолу-ииһи
хаалларбытынан биһиги, оҕолоро, ис сүрэхпититтэн киэн туттабыт,
кини сырдык Аатыгар, норуотугар анаабыт Талааныгар сүгүрү-
йэбит. Саха билиҥҥи ыччата муоска быһан ойуулуур дьоҕура өссө
сайдарыгар, кинилэр бу үтүө үгэһи салгыы сайыннаралларыгар
баҕарабыт.