Page 12 - Норуоттан тахсыбыт талаан

Василий БОСИКОВ,
П.А.Ойуунускай аатынан Саха Республикатын
Государственнай бириэмийэтин лауреата, РСФСР
уонна Саха АССР культуратын үтүөлээх үлэһитэ

МУОСТАН АЙЫЫ УАУУКАННААХ МААСТАРА

ц осква куоракка культура салаатын сэбиэдиссэйдэрин биир
'УсЪ ыйдаах курсугар 1955 сыллаахха ыам ыйыгар үөрэнэн баран,
аны мин бу улуу дойдуларга хаһан иккистээн кэлиэмий дии санаан,
Ленинград куоракка тиийдим.
Тиийээт да сарсыҥҥы күнүгэр “Медный всадник” (Алтан аттаа-
ҕы), Петр 1-гэ анаан Нева өрүс биэрэгэр туруоруллубут паама-
тынньыгы, көрө бардым.
Арай пааматынньык таһыгар тиийбитим, биир саха курдук
киһи ону эргийэ хааман иһэр. Миигин көрдө да, хап-сабар: “Са-
хаҕын дуо?” — диэтэ. Мин “сахабын” диэппин кытта үөрэ түстэ
уонна: “Терентий Васильевич Аммосов диэммин”, — диэтэ. Мин
Терентий Аммосов туһунан Уус Алдаҥҥа үлэлии сылдьан истэр
этим. Онон бу муосчут Омуоһаптара диэн тута өйдөөтүм.
Дьэ билсэн-көрсөн, пааматынньыгы сөҕөн-махтайан бараммыт,
аргыстаһан “Эрмитаһы” көрө бардыбыт. Терентий Васильевич мин
Уус Алдан буоларбын истэн баран, өссө үөрдэ-көттө. “Биир дой-
дулаах дьон эбиппит, бу улуу куораты бииргэ сылдьан көрүөх”, —
диэн буолла.
“Эрмитаһы” икки күн устата оҥостон туран көрдүбүт. Иккиэн
даҕаны билиибит-көрүүбүт тиийбэт буолан, элбэҕи өйдөөбөппүт
быһыылаах. Ол эрээри бу кэрэ искусствоны умсугуйан-тартаран
туран көрдүбүт. Музей үлэһиттэриттэн үрүт-үрдүгэр ыйытда ыйыт
буолабыт.
Терентий Васильевич орто унуохтаах, лэс курдуктолору эттээх-
сииннээх, оччотооҕуга 43 саастаах киһи этэ. Мин киниттэн уонтан
тахса сыл балыс буоламмын, улахан саастаах киһи курдук көрөбүн.
Терентий сүрдээх эрчимнээх, үчүгэй күөл бөдөҥ соботун килэҥ
мууска ылан бырахпыт курдук, лаһыгыраабыт, саҥарбыт-иҥэрбит,
күлбүт-оонньообут, үөрбүт-көппүт киһи гиэнин кэрэмэһэ.
Итинтэн салҕаан атын күннэргэ, чэ, барыта нэдиэлэ устатыгар
бииргэ сырыттыбыт. Кини оччотооҕуга аатырбыт “Астория” гости-
ницаҕа түһэ сытар. Мин биир дойдулааҕым, Ленинградтааҕы ба-
йыаннай академияҕа үөрэнэ сылдьар Михаил Иванович Гоголев,
кэргэнинээн биир быыкаа хоһу куортамнаһан олороллорутар түс-
түм. Михаил Иванович Дүпсүн бөһүөлэгэр үлэлии кэлбит нуучча
кыыһын кэргэн ылан, Ленинград куоракка тиийэн олорор. Ол