Page 13 - Норуоттан тахсыбыт талаан

быыкаа хоско үһүөн утуйабыт, сонно аһыыбыт. Аны санаатахха,
кыра дьиэлээх ыалы үтүрүйбүт эбиппин.
Терентий Васильевич биһиги “Эрмитаж” кэнниттэн Ленинград
аттынааҕы историческай миэстэлэргэ тахсыталыы сылдьыбыппыт.
Туох-ханнык иннинэ Петергофка тиийэн нуучча улуу маастардара
айбыт фонтаннарын астына көрбүппүт. Итинтэн салгыы Царское
селоҕа сылдьан, Царскосельскай лицей диэҥҥэ киирэн, А.Пушкин
Гаврил Державин иннигэр тахсан “В Царскосельском саду” диэн
аатырбыт айымньытын аахпыт саалатыгар сүһүөхтээх бэйэбит
сүгүрүйэн тахсыбыппыт.
Атын күммүтүгэр Арененбаум дыбарыаһыгар сылдьаммыт,
Павел III улуу оҥорторуутун — бүтүннүү курустаал истиэнэлээх
дыбарыаһын — көрөн, ама мантан ордук киһи илиитинэн оҥоһул-
лубут туох кэрэтэ баара буолуой диэн санааҕа кэлбиппит.
Дьэ ити дьиктилэри көрөн, үөрэн-көтөн Терентий Васильевич:
“Саха уолаттарыгар дьэ тааталдьыйан түһэн сүрдээх дьоммут
буолбат дуо?” — диэмэхтиирин өйдүүбүн.
Терентий Васильевич биһиги күнүһүн буфеттарга, остолобуой-
дарга сылдьан чэйдиибит. Ресторан диэки өҥөйөн да көрбөппүт.
Арыгы, пиибэ диэни санаан да ылбаппыт. Ама, бу үлүгэрдээх
дойдуга биирдэ кэлэн баран, арыгы иһэ сылдьыахпыт дуо диэн
иккиэн да бигэ санаалаахпыт.
Терентий Васильевич Ленинградтааҕы этнографическай музейга
сылдьан бэйэтин хас да үлэтин атыылаабыт. Ленинград учуонай-
дара, искусствоведтара кини муостан чочуйбут үлэлэригэр үрдүк
сыанабылы биэрбиттэрин туһунан үөрэн-көтөн кэпсээбитэ.
Дьэ итинник саҕаламмыта Терентий Васильевич биһиги
билсиибит уонна онтон салгыы доҕордоһуубут.
Онтон 1960 сылтан ыла Культура министерствотыгар үлэлиир
сылларбар биһиги өссө чугастык билсибиппит, доҕордоспуппут.
Кини ойуулуур-дьүһүннүүр искусствоҕа тэриллибит художествен-
най сэбиэт чилиэнэ, оттон мин ол сэбиэт председателэ буоламмын,
орүү бииргэ үлэлээбиппит.
Сити художественнай сэбиэккэ бары художниктар үлэлэрэ
көрүллэрэ уонна сыаналанан ойуулуур искусство музейдарыгар
атыылаһарбыт. Итини сэргэ Бүтүн Союзтааҕы, Россиятааҕы, зона-
гааҕы быыстапкаларга кыттарга үлэлэри таларбыт. Терентий Васи-
льевич биир идэлээхтэрин, муосчуттар Семен Пестерев, Николай
Амыдаев, Алексей Федоров, Дмитрий Ильин, Илья Тумусов уо.д.а.
үлэлэригэр сүрдээх болҕомтолоохтук сыһыаннаһара. Кинилэр үлэ-
лэрэ киэҥ суолга тахсарын туруулаһан туран ситиһэргэ дьулуһара.
Терентий Васильевич элбэх үлэтэ Москва, Ленинград улахан
музейдарыгар, холобур, Москватааҕы Историческай музейга, Рево-