Page 15 - Норуоттан тахсыбыт талаан

тар наһаа сиэллээн-кутуруктаан, улахан криминальнай акция кур-
дук көрдөрөннөр, Россия “Гохранатыттан” төттөрү ылан, Саха
сиригэр аҕалан тураллар. Дьиҥинэн, норуот аатыттан бэриллибит
бэлэх итинник айдааннаахтык төннөн кэлбэтэҕэ да буоллар син
этэ. Ханнык баҕарар түбэлтэҕэ саха норуотун маастара оҥорбут
чорооно диэн ааттанан, Москва музейдарыгар бэриллиэхтээҕэ.
Терентий Васильевич муостан кыһан оҥорбут саахымата
И.ВХталин /ц сааныгар оэөиллиоитэ. цл үлэ Москватааҕы Рёво-
люция музейыгар харалла сытар. 1974 сыллаахха Япония Гокио
куоратыгар ыытылльгоыт “Советская Социалистическая Сибирь”
диэн улахан быыстапкаҕа И.В.Сталин 70 сааһыгар бэлэхтэммит
үлэлэр Сибиир норуоттарын айымньыларын быһыытынан туруо-
руллубутгара. Ол иһигэр Т.В.Аммосов муостан кыһан оҥорбут
саахымата эмиэ баара.
Итини таһынан, Терентий Васильевич: “Мин үлэбин Венгрия
Коммунистическай партиятын Генеральнай секретарыгар Матиас
Ракошига тиэрпиттэрэ”, — диэн кэпсиирэ. Чопчу ханнык үлэтэ
онно тиийбитин билигин мин кыайан өйдөөбөппүн.
Терентий Васильевич РСФСР Культуратын министерствотыгар
элбэхтик сылдьара. Кини үлэлэрин оччотооҕу культура министрэ
Ю.С.Мелентьев уонна кини бастакы солбуйааччыта Е.В.Зайцев
куруутун өйүүллэрэ. Кинилэр туруорсууларынан, көҕүлээһиннэ-
ринэн Терентий Васильевич И.Е.Репин аатынан Россия Государ-
ственнай бириэмийэтин лауреатын үрдүк аатын ылбыта.
Терентий Васильевич сааһын тухары мамонт муоһунан үлэ-
лээбит буолан, ити матырыйаалга сыһыана ураты истиҥ, иэйии-
лээх этэ. Ону сырье быһыытынан атын дойдуларга атыыланыытын
кытаанахтык утарсыыта уонна ирдэбили таһынан олус элбэҕи
хомуйан ылыыны сөбүлээбэт буолуута да туоһулуур. Бу — саха
норуотун удьуор талааннаах маастардара былыр-былыргыттан
бэркэ кэмчилээн туттан, искусство кэрэ айымньыларын айар
матырыйааллара. Онон маны мээнэ ыһар-тоҕор, атыылыыр, улахан
станоктарга киллэрэн эрбиир, кыһар, хаһар сатамматын туһунан
санаатын үллэстэрэ. Мамонт муоһа баар оройуоннарыгар экспе-
дициялары тэрийтэлээн, ханна баарын чуолкайдаан баран,
тыыппакка айылҕаҕа бэйэтигэр сытыарыахха, буорга хат көмөн
кэбиһиэххэ эбэтэр булуустарга, холодильниктарга тутуохха наада
диирэ. Оттон уонунан тоннаны хомуйан ыскылааттарга тастахха
хайыта хатарын, сотору эмэхсийэрин билэр буолан, улаханнык
санааргыыра. Бу кэлин “Мамонтовый фонд” уонна “Кудай Бах-
сы” диэн тэрилтэлэр отучча тоннаны хомуйан ыскылаакка сытыа-
ран, улаханнык буорту гыныахтарын өтө сэрэйбит эбит.
Айылҕа бу күндү матырыйаалын хайдах гынан алдьаппат,

п