Page 14 - Норуоттан тахсыбыт талаан

люция Киин музейыгар, Ленинградка Этнографическай уонна
Нуучча искусствотын музейдарыгар атыыламмыта. Билигин ол
музейдар саамай сыаналаах, кэрэ экспонаттарын быһыытынан
биллэллэр. Итини таһынан, Терентий Васильевич үлэлэрэ аан
дойдутааҕы быыстапкаларга: Монреальга, Лейпциккэ, Токиоҕа,
Венаҕа, Бухарестка, Улан-Баторга уо.д.а. куораттарга саамай көс-
түүлээх сирдэргэ туруоруллаллара. Ити үлэлэр үөһэ ааттаммыт
дойдулар көрөөччүлэрин, улахан салалталарын саамай үрдүк
сыанабылларын ылаллара.
Терентий Васильевич 1957 сылтан саҕалаан дойду киин куорат-
тарыгар ыытыллыбыт Саха Республикатын литературатын уонна
искусствотын күннэригэр барытыгар кыттыбыта.
Олортон биир түбэлтэни аҕыннахха, 1968 сыллаахха Тува
Республикатыгар ыытыллыбыт Күннэргэ Терентий Васильевич
Тува Худуоһунньуктарын союһун председателэ Сергей Ланзы
диэн олус талааннаах худуоһунньугу кытта ыкса доҕордоспута.
Икки норуоттар икки ардыларыгар быһан оҥоруу искусствота
сайдыытыгар кинилэр иккиэн улахан кылааты киллэрбиттэрэ.
Тува маастардара таастан кыһан оҥорууну ордук баһылаабыт
дьон. Кинилэр саха худуоһунньуктара мамонт муоһуттан, мастан,
туостан оҥорор ньымаларын кытта чугастык билсибиттэрэ.
Терентий Васильевич оҥортообут чороонноро, шкатулкалара,
саахыматтара, миниатюрнай скульптуралара омук да дойдуларыгар,
Союз да иһигэр саамай үрдүк иэйиилээх поэзияны, симфониялары
кытта тэҥҥэ сыаналаналлара.
Терентий Васильевич аата Л.И.Боежневкэ бэриллибит чороону
кытта сибээстээх буолан хаалтын биһиги бары билэбит. Ол туһунан
кыратык аҕыннахха, ССКП Саха уобаластааҕы комитетын бастакы
секретара Г.И.Чиряев Л.И.Брежнев 70 сааһын түоларынан сибээс-
тээн, саха норуотун аатыттан сувенир туттарарга диэн анаан,
чороону оҥорорго Т.В.Аммосовтан көрдөспүтэ.
Т.В.Аммосов чороону манна оҥорон, чочуйан баран, алмаас
таастары чорооҥҥо олордоору Москва куоракка тиийбитэ. Мин
ол саҕана Москваҕа командировкаҕа сылдьаммын “Москва”
гостиницаҕа көрсө түспүтүм. Кини эмиэ ити гостиницаҕа олорор
этэ. Онно Терентий Васильевич: “Дьэ, Баһылай, бу Леонид
Ильичкэ туттарыллыахтаах чорооҥҥо алмаас таастары олордоору
Москва “Кристалл” заводугар үлэлии кэллим”, — диэбитэ. Уонча
хонукка олорон ол таастары чорооҥҥо үчүгэй баҕайытык кил-
лэрэн биэрбитэ.
Онон ол чороон Л.И.Брежневкэ саха норуотун аатыттан тутта-
рыллыбыт буолуохтаах. Ону, коммунистическай партияны суул-
ларыы, кириитикэлээһин үгэннээн турдаҕына, сорох суруналыыс-