Page 16 - Норуоттан тахсыбыт талаан

эмэхсиппэт технологияны оҥорбокко сылдьан, элбэҕи хомуйан
улахан сыыһаны оҥордубут быһыылаах. Онон наука бу боппу-
руоһунан дьарыктанара, ханнык эрэ этиилэри оҥороро наадалаах.
Хойутун хойут даҕаны биһиги ыччаттарбыт өбүгэлэрин үгэстэрин
салҕаан, мамонт муоһунан дьарыктаналларын, кэрэ айымньылары
айалларын хааччыйыахха баар этэ.
Сорох суруналыыстар наһаа тиэтэйэн, күүркэтэн, ханна да суох
сыананы этэ-этэ, мамонт муоһун биир киилэтэ аан дойду рыногар
7 тыһыынча солкуобайга турар диэн өссө уонча сыллааҕыта хал-
лаантан ылан хаһыытааннар, бу сырьену харысхала суох туттууга,
таһыыга, уорууга суол аһан биэрдилэр. Билигин мамонт муоһа
аан дойду рыногар улаханнык сыаналаммат, ким да наадыйбат
буолла. Онон наһаа хойутуу иликкэ ханнык эрэ дьаһалы ылар
уолдьаста.
Терентий Васильевич ис-иһиттэн элбэх оонньуулаах-күлүүлээх,
тэбэнэттээх, дьиибэ-хообо кэпсээннэри элбэҕи билэр уонна ону
кэпсии-кэпсии биир идэлээхтэрин, худуоһунньуктары иэрийиэх-
тэригэр диэри күллэртиир буолара.
Ордук былыр сэрии сылларыгар, ол да иннинэ театрга артыы-
һынан үлэлии сылдьыбыт кэмин кэпсээтэҕинэ, дьэ көр бөҕө тах-
сара. Бииргэ үлэлии сылдьар худуоһунньуктарын, кинилэр майгы-
ларын, кэпсэтэр тылларыгар туох уратылаахтарын наһаа чуолкай-
дык биэртэлиирэ.
Терентий Васильевич арай мастарыскыай үллэһигэр үчүгэй
мастарыскыайы ыларга туруорсубут. Онон бырабылыанньа биир
чилиэнин кытта эрдэттэн кэпсэппит. Киһитэ эрэннэрбит:
“Терентий Васильевич, Эн эбэһээт ылаҕын, ыларыҥ эбэһээт буол-
лаҕа~дии”, — диэбит. Онтон мастарыскыайы үллэстиигэ, бэйэтэ
да дэлби бириинчиктээн, мастарыскыайга кыайан тиксибэтэх. Ол
иһин “эбэһээт ылыаҥ” диэбит бырабылыанньа чилиэнин дэлби
хаадьылыыр буолара, киһим “эбэһээт” биэрбэтэ дии-дии сороҕор
кыйаханара, сороҕор күлэрэ.
Терентий Васильевич үлэлэрин саха норуотун улуу уолаттара
А.Е.Мординов, Г.П.Башарин, Н.Е.Мординов, В.М.Новиков,
С.С.Васильев-Борогонскай, В.А.Протодьяконов-Кулантай уо.д.а.
наһаа үрдүктүк сыаналыыллара, кинини кытта ыкса сибээстэһэл-
лэрэ, доҕордоһоллоро.
Терентий Васильевич 1988 сыллаахха Дьокуускай куоракка
өлбүтэ. Кини көмүс уҥуоҕун, бэйэтин кэриэһин толорон, Уус
Алдан оройуонугар II Курбуһах нэһилиэгэр Хамыдал диэн сайы-
лыкка таһаарбыттара. Хамыдал сайылыкка Терентий Васильевич
Аҕа дойду Улуу сэриигигэр баран охтубут, биир алааска үөскээбит
уонтан тахса дьоннорун кэриэстэригэр бетонтан кутан өйдөбүн-