Page 55 - Норуоттан тахсыбыт талаан

Муосчут Терентий Васильевич Аммосов айар үлэтин билсиһэн
баран, маннык түмүк оҥоруохха сөп:
1. Т.В.Аммосов анал үөрэҕэ суох эрээри, норуот маастарыттан
искусство саамай үрдүк чыпчаалыгар тахсыыта — кини дэҥҥэ
бэриллэр чаҕылхай талаанын туоһута. Кини оҥорбут, быыстап-
каларга, музейдарга эрэ туруорарга аналлаах, сахалыы баай фанта-
зиялаах үлэлэригэр тэҥнэһэр атын үлэ суох.
2. Маастар быһыытынан биир сүрүн уратытынан Терентий
Васильевич өрүү саҥаны көрдүүрэ, булбут суолунан харса суох
иннин диэки баран иһиитэ буолар. Холобур, хас ыал ахсын саха-
лыы үчүгэй сувенир баар буоларын туһуттан чорооннорун элбэх
куоппуйалаары, фарфор чорооннору заводка куттара сылдьыбыт-
тааҕа. Туруоруммут сыалын ситиһэр инниттэн Латвияҕа хаста да
кырынан, бэйэтин сиэбиттэн төлөөн, сүрдээх кыраһыабай чороон-
нору оҥорторон аҕалбыта билигин чугас дьонугар баар. Эбэтэр
муос чорооҥҥо дьон мэтириэтин, араас темаҕа норуот олоҕун
көрдөрүү — бу кини уус-уран айыыта уонна уратыта.
3. Кини муоска эрэ буолбакка, ону тэҥэ удьурҕайга, маска,
көмүскэ кытта дэгиттэр маастар быһыытынан атыттартан эмиэ
уратылаах. Араас ньыманы мындырдык туһанан, Холмогор маас-
тардарын курдук, муоһу дьөлө хаһан, куруһубалыы нарын оһуору
түһэрэрэ, рельефнэй, объемнай үлэлэри, выжиганиены (уотунан
сиэтиини) — барытын тэҥинэн туттара кини хатыламмат ураты
буочарынан буолар.
Онон Уус Алдан улууһа улахан уустар олорбут, үлэлээбит ытык
дойдуларын быһыытынан, Т.В.Аммосов айар үлэ киэҥ аартыгар
тахсарыгар көмөлөспүтэ саарбаҕа суох. Терентий Васильевич эдэр
көлүөнэ маастардары иитиспитэ диэн киэн тутта этэбит. Холобур,
И.Е.Репин аатынан Ленинградтааҕы живопись, скульптура уонна
архитектура институтун Б.Б.Пинчук айар мастарыскыайыгар
үөрэммит, саха дьахталларыттан анал үөрэхтээх бастакы скульптор
Евгения Николаевна Винокурова, эмиэ бу институкка М.А.Кер-
зеҥҥэ үөрэммит скульптор Раиса Николаевна Бурцева, В.И.Сури-
ков аатынан Москватааҕы художественнай институкка Ленинскэй
бириэмийэ лауреата Л.Е.Кербельгэ уһуйуллубут Василий Василье-
вич Бочкарев, худуоһунньук-прикладник, муосчут К.К.Крылов —
төрдүөн Россия Худуоһунньуктарын союһун чилиэннэрэ, омук
сирдэригэр уонна Россияҕа ыытыллыбыт улахан быыстапкалар
кыттыыл аахтара.
Т.В.Аммосов биир дойдулааҕа, ытык кырдьаҕас Ф.Н.Аммосов
бу курдук эппиттээх: “Биһиги өбүгэлэрбит былыр-былыргыттан