Page 53 - Норуоттан тахсыбыт талаан

формаларын (шкатулка, ларец, табакерка, портсигар) уонна
куруһубальгы оҥо быһан (ажурнай) нарын ойууну түһэрэр ньымаларын
туттара. Ол гынан баран сахалыы ис хоһоонноон, оһуордаан-
мандардаан бэйэтин “буочарын” буларга ис сүрэҕиттэн дьулуспута.
Т.В.Аммосов оҥортообут декоративнай шкатулкалара, чороон-
норо, историяҕа киирбит дьон мэтириэттэрэ, саахыматтара,
төрөөбүт норуотун уратытын, олоҕун-дьаһаҕын көрдөрөр философ-
скай үлэлэрэ худуоһунньук быһыытынан баай фантазиялааҕын,
ураты дьоҕурдааҕын, үрдүк таһымнаах маастар буоларын көрдө-
рөллөр.
Т.В.Аммосов мамонт аһыытыттан ордук сөбүлээн шкатул-
калары уонна чорооннору чочуйара. Ол курдук, “30 лет ЯАССР”,
“300 лет воссоединения Украины с Россией”, “40 лет ЯАССР”,
“К 350-летию добровольного вхождения Якутии в состав России”,
“Кубок Славы”, “Изобилие”, “К 100-летию В.И.Ленина”, “50 лет
ЯАССР” диэн үлэлэрэ чопчу история ханнык эмэ кэрдииһин
туоһулууллар. Уһулуччулаах муосчут, талааннаах худуоһунньук
айбыт тематическай шкатулкалара, чороонноро ойуулуун-оһуор-
дуун саха олоҕун-дьаһаҕын уонна дьарыгын үйэлэргэ сэһэргии
туруохтара. Холобур, бултааһын, балыктааһын, сылгыны иитии
уо.д.а.
Шкатулкалартан бөдөҥнөрүнэн, ураты ис хоһоонноохторунан
“Украина Россияҕа холбонуута” диэн үлэтэ буолар. Манна Богдан
Хмельницкэй барельеба, Переяславскай Рада, МГУ, колхоз олоҕо
түмүллэн көрдөрүллүбүт. “Хоту дойду” — хоту сир айылҕата,
табата, нарын-намчы ойуута киһини сөхтөрөр.
Чороонноро эмиэ хатыламмат уратылаахтар. Терентий Василье-
вич эрэ чороон ойоҕоһугар дьон мэтириэтин биэрэр. “Албан аат
чорооно” диэн үлэҕэ Аҕа дойду Улуу сэриитигэр Советскай Союз
Геройун үрдүк аатын ылбыт К.Краснояров, Ф.Попов, Е.Шавку-
нов мэтириэттэрин оҥорбут.
“Гражданскай сэрии геройдара” — Кеша Алексеев, Партизан
Егоров, Н.Каландаришвили, К.Байкалов, И.Строд бааллар.
“Партия байыастара”, “Саха сирин биллиилээх сүөсүһүттэрэ”,
“Народнай суруйааччылар” диэн үлэлэр историяҕа киирбит
дьоммутун үйэтитэр аналлаахтар.
Терентий Васильевич саха фольклоругар элбэхтик үлэлээбитэ.
“Олоҥхоһут” диэн үлэтигэр автор бэйэтин олоҥхоһукка маарын-
ныыр гына өйдөбүллүүр. “Оһуохай” диэн үлэтэ 1957 сыллаахха
Москва куоракка ыытыллыбыт Саха сирин литературатын уонна
искусствотын күннэригэр тэриллибит быыстапкаҕа көрдөрүллү-
бүтэ. Маны таһынан, муосчут саахымат фигураларын олоҥхо ге-
ройдара гына оҥорорун сөбүлүүр. Барыта уон биир араас саахы-

\