Page 85 - Иван Мигалкин. Сүрэхтэн саҕыллар санаалар

оннуга чахчы. Эн да оннук саныырыҥ буолуо. Мин культпросвет-
оскуолаҕа үөрэнэ сырыттахпына, 1949 сыллаахха, дойдум уола,
доҕорум Афанасий Федоров уонна Иван Гоголев ол институкка
үөрэнэ барбыттарыгар олус ымсыыра санаабытым — абырам-
мыт уолаттар диэн. Кинилэр айымньылара хаһыаттарга эҥин
тахсыбыт, Афоня өссө «Иннибит диэки» диэн пьесата 1948 сыл­
лаахха күһүөрү кыһын Саха театрыгар туран үчүгэй сэҥээриини
ылбыт эдэр суруйааччылар этилэр. Оттон мин? Бэркэ кистээн су-
руйан мучумааннанар этим да (саатар ону үчүгэйдик билбэт тыл-
бынан нууччалыы муҥнанарым) — бэчээттэниэхтээҕэр буолуох,
хаһыаттар боруоктарын атыллаабатах да киһи этим, Суруйаач­
чылар сойуустара, издательство эҥин диэн ханна баалларын да
билбэккэ үс сыл Дьокуускайга үөрэммит, олорбут урааҥхайбын.
Нууччалыы кинигэни ааҕыыттан ситимнээн суруллубут хоһоон-
норум олус мөлтөхтөрүн (нууччалыы билигин да сатаан ыпсаран
саҥарбат киһибин) көхсүбүнэн сэрэйэрим, ол эрээри улахан хор-
суммун киллэрэн «Социалистическая Якутия» хаһыакка хоһоон-
норбун ыыта сылдьыбытым. Миигиннээҕэр эрэ аҕа көрүҥнээх
эдэр, кылардаан көрөр харахтаах Дмитрий Грачев диэн нуучча
киһитэ ыҥыран бэсиэдэлэһэ сылдьыбыта, бэрт сымнаэастык
хоһооннорум мөлтөхтөрүн бэлиэтээбитэ — КИНИ кэнники ити
хаһыакка өр үлэлээн аатырбыта, иһэр буолбут курдук истэрим,
хойукку дьылҕатын билбэтим. Онтон оскуолабын бүтэрээри сыл-
дьан саас арыгылаан, онтон хаартылаан эһиллэн хаалан дойду-
лаабытым уонна институттана оонньуу сылдьыам дуо! Үөрэхпэр
үчүгэй этим, онон бүтэрбитим буоллар, баҕар, библиотечнай ин­
ститукка киириэхпэр сөбө — онно үөрэнэр табаарыһым Ганя Око­
роков агитациялаан суруйара. Ол эрээри онно да барарым баһа
биллибэт этэ — доруобуйам алларыйан эрэрэ, сэлликтээбиккин
диэбиттэрэ. Санаам түһэ сылдьыбыта, дэлэҕэ арыгылаан эҥин
аамайданыам дуо? Оттон доҕотторум А. Федоров, Г. Окороков
ыытар суруктарыттан үөрэнэр, кыаллара буоллар Литератур-
най институкка киирэр баҕа кистии-саба өйүм-санаам хайа эрэ
бүччүм түөлбэтигэр уйа туттан испитэ. Арыый түспэтийэн ыал
буолан 1955 сыллааҕы эдэр суруйааччылар мунньахтарыгар
(нууччалыы икки хоһоонум тахсыбытын кэннэ) сылдьан баран,
өссө Амма Аччыгыйыгар Үөһээ Бүлүүттэн суруйбутум — Литин-
ститукка хайдах киириэххэ сөбүй диэн. Николай Егорович үчүгэй
баҕайытык хардарбыта. Онтон 1957 сыллааҕы сайын «Эдэр ком­
мунист» хаһыакка үлэҕэ ыҥырыллан кэлбитим, онно 1958 сыл
бэс ыйыгар диэри үлэлээбитим — ол эмиэ мин олохпор үтүөкэн-
нээх кэм этэ: айар үлэнэн дьэ дьиҥнээхтик дьарыктанан барбы-
6- 3 5 5 81