Page 86 - Иван Мигалкин. Сүрэхтэн саҕыллар санаалар

тым, суруйар дьону-сэргэни, ордук эдэрдэри кытта, билсибитим.
Субэ мунньахха сылдьыахпыттан суруйар дьарыгым төрөөбүт
тылбар «көспүтэ». Ол кыһын суруйааччылар институттарыгар
киир диэччи элбээбит буолуохтаах, ол иһин хоһооннорбун айар
куонкуруска подстрочнай тылбаастарын кытта холбуу Москваҕа
Литературнай институкка ыытан баран үлэбиттэн бэйэм керде-
һөн уурайбытым, Үөһээ Бүлүүгэ дьиэбэр барбытым. Ол сайын
«айар куонкуруһу аастыҥ, онон экзаменнаргын туттара ынырыл-
лаҕын» диэн (телеграмма быһыылааҕа) кэлбитэ. Саамай улахан
моһуок баара: начаалынай кылаастарга учууталлыыр кэргэним
оскуолаҕа киирэ илик ус кыра оҕолооҕо, борооскулаах ынахтаа-
ҕа, оҕо көрөр киһибит суоҕа... Кэргэним көҥүллээн ыыппыта ол
улахан хорсун быһыы этэ (ити туһунан урут мин хаста да ахтан
турабын). 1958 сыллаахха атырдьах ыйын бүтүүтэ Москваттан
Дьокуускайга доҕорбор Николай Габышевка соҕотох «принят»
диэн тыллаах подпиһа суох телеграмма ыыппытым. Таарыйа
эттэххэ, Руставели поэматын тылбааһын бүтэрээт, кэлин Лат-
вияттан эмиэ Коля Габышевка «Кончил» диэн биир тыллаах те­
леграмма ыытан турардаахпын... Онтон Литературнай институк­
ка ылыллыым — ер сыллаах ыра санаам ерегейдеех туолуута
диэхпэр сеп.
Үөрэнэр кууруһум оҕолорун барыларын кытта бэркэ тапсар
этим — нууччалар, украинецтар, казахтар, грузиннар... Саамай
доҕордоспут киһим — даргинец Сулейман Рабаданов этэ, кэлин
Дагестан норуодунай поэта буолбута, өлбүтэ уонча сыл буолла.
Кини туһунан «Сулейман, дерхаб» диэн уочаркабар суруйбутум.
Балкарец Алим Теппеев (билигин Кабардино-Балкария норуоду­
най суруйааччыта) — поэт, үтүө уол этэ, онтон литературовед,
романист буолбут. Туркмен, 18 саастааҕар үөрэнэ тиийбит Са-
пармурад Овезбердыевтыын (Зыр-Зыр) биир сыл бииргэ олор-
буппут — талааннаах уонна көрдөөх уол этэ. Украинецтар Алек­
сандр Медущенко, Алексей Подмогильнай, казахтар...
Айар семинарбытын биэс сыл устата Сталинскай бириэмийэ
лауреата, бэйэтин кэмигэр бэркэ аатыра сылдьыбыт поэт Евге­
ний Долматовскай ыыппыта. Миигин сөбүлүүрэ, итиччэ сыл ту-
хары семинарын омуктарыттан арай миигиттэн эрэ биир хоһоом-
мун нууччалыы тылбаастаабыта, ааҕан биэрбитин кэннэ, кэмчиэ-
рийэн диэххэ дуу, көрдөөн ылбатаҕым, кэлин ыйыппыппар —
ханна сылдьара буолла, буллахпына биэризьим диэбитэ да, ол
айыыта онон. Үчүгэй тылбаас этэ. Кэлин бэрт кылгастык иккитэ
эрэ көрсүбүтүм — 1970 сыллааҕы сайын Лев Кассиль өлбүтэ, оч-
чолорго Москваҕа баар буолан, мин панихидатыгар тиийбитим.
82