Page 87 - Иван Мигалкин. Сүрэхтэн саҕыллар санаалар

Литератордар дьиэлэригэр киһи батыспат үлүгэрэ эта, онно си-
миллэн туран учууталбын кытта дорооболоһон эрэ хаалтым.
Онтон 1981 сыллааххха эмиэ Москваҕа бара сылдьан ССРС
Суруйааччыларын сойууһун дьиэтин иккис этэээһигэр тахсан
иһэммин Евгений Ароновичтыын кирилиэскэ ыы муннубутунан
анньыһа сыстыбыт. «Мой мальчик!» диэн баран кууһа түспүтэ
уонна уураан ылбыта. Наһаа үөрбүтэ, ити эппит тыллара кул-
гаахпар билигин да иһиллэр курдуктар. Тугу үлэлиирбин, хас
оҕолоохпун, хайдахтарын туоһуласпыта. Былыргы кэрэ дьүһүн-
нээх, сэриигэ бааһырбыт, билиэн да түбэһэ сылдьыбыт, муҥу-
таҥы көрбүт байыаннай корреспондент (подполковник), 76 саас-
таах поэт улаханнык кырдьыбыт этэ, мин хараастан ылбытым —
43 саастааҕар көрбүппүттэн букатын атына. Оччотоо5уга, баста-
кы көрсүһүүбүтүгэр, сахабын истэн баран үөрэппит уолун «Ваня
Гоголев» диэн ааттаан хайдах сылдьарын туоһулуу охсубута.
Мин кэннибиттэн Толя Старостин эмиэ кини айар семинарыгар
дьарыктаммыта. Үөрэхпин бүтэрбитим кэннэ 1964 сыллаахха
Үөһээ Бүлүүгэ Ленинскэй бириэмийэҕэ түһэриллибит хоһоон-
норун «Стихи о нас» диэн кинигэтин ыыппыта, онно «Мудрому
Семену Руфову от легкомысленного учителя» диэн суруктаах
этэ — семинарга тыл этэрбэр сороҕор табаарыстарбын, нуучча
уолаттарын, хоһооннорун кириитикэлээн хооһурҕатар этим, ол
иһин «муударайдаабыт-хайаабыт» буолуохтаах. 1965 сыллаахха
Кыайыы бырааһынньыгын иннигэр Берлин капитуляциятын туһу-
нан ахтыыта ыыт диэн суруйбуппар (бу баҕайы харса суохпун
кер — бириэмэтин былдьыам диэн толлубатым да бэрт эбит!)
хас да страницаҕа машинкаҕа бэчээттээн ахтыытын ыыппыта,
ону оройуонум хаһыатыгар тылбаастаан таһаартарбытым. Суру-
йааччылар сойуустарыгар ылылларбар 1962 сыллаахха биир
мэктиэни биэрбитэ (атыттарым Эллэй уонна Леонид Попов кур-
дук өйдүүбүн). Биһиги үөрэнэрбит сажана Ирина Левченко диэн
сэрии кыттыылааҕа, танкист, Сэбиэскэй Сойуус Геройа, элбэх ки-
нигэлээх суруйааччы дьахтар кэргэннээҕэ (1924 сыллааҕы тө-
рүөх). «Литературнай энциклопедияҕа» сурулларынан, И. Лев­
ченко сэрии кэнниттэн икки байыаннай академияны бүтэрбит —
Бронетанковай уонна М. Фрунзе аатынан! Каково? Бой-баба диэн
ол буолуохтаах! Бэртээхэй поэт Александр Коваленков поэзия те-
ориятын үөрэтэрин саныыбын — холку, наҕыл, дириҥ билиилээх
киһи этэ. Сергей Бонди — аатырбыт пушкинист Пушкинныын
аҕыйах хонуктааҕыта көрсүспүт курдук кэпсиирэ. Ити сэттэ уонун
ааһан эрэр профессор эдэркээн кэргэннээх дии-дии уолаттар
ымаҥнаһаллара. Апта уоннаах Геннадий Поспелов экзамеҥҥа
6 - 83