Page 317 - Кун кууьар хайатыттан

лэй этэ. Ыалдьыты барарыгар эмиэ маанылаан, ытыктабылла-
рын биллэрэн атаарбыттара.
Оо, бу дьиэҕэ олохсуйбут үһүөйэх киһиэхэ дьол барылары-
гар бычалыччы тиийэрэ.
Шумкалпак Карлыгач барахсанын таптыыра ахан, кини
хас биирдии ханалҕатын барытын үөрүүнү кытта толорорго
бэлэмэ, ол эрэн кэргэнэ оннук майгыта суоҕа, төттөрүтүн,
кэргэнин хас биирдии санаатын таба таайарга дьулуһара. Кыр-
дьаҕас Баалы үөрүүтэ муҥура суоҕа, тоҕо диэтэххэ, кийиит
киириэҕиттэн кини дьиэтээҕи бүппэт түбүктэн босхоломмута.
Кыһын оннук ааспыта, саас даҕаны эмиэ дьоллоох буолбу-
та... Ол эрэн эдэр дьон олоҕун күөх чэчирин, бастакы сайын-
нарыгар саҥардыы тыллыах, сэбирдэхтэниэх курдук буолан
эрдэҕинэ, эмискэ үлүгэр муус толон быһыта-тоҕута түспүтэ.
Карлыгач бастакы кэргэнэ куораттан кэлбитин туһунан
сурах Бейшеке аилы үс төгүл үлтү ытыйбыта, үс төгүл уос-
куппута. Мээнэҕэ эппэттэр: сураҕы сүүрүүк атынан тарҕа-
тыах кэриэтин биир дьахтарга итэҕэйбит ордук диэн. Оттон
ол туһунан сураҕы аан бастакынан ыаллара дьахтар кыыһын
эргиэн техникумугар киллэрээри бара сылдьан билбит этэ.
Онтон төннөөт, аил ыалларын аанын бүрүөтүн ол дьахтар ил-
дьиритэ сыспыта.
— Ити кырдьык дуо, дьон кэпсиирэ? — диэн Шумкалпак
биир киэһэ ойоҕуттан ыйыппыта.
— Оннук... — Карлыгач ытаан барбыта. — Ол эрэн мин
эйигин эрэ таптыыбын... Мин эйигин олус күүскэ таптыы-
бын, ол иһин ааспыт олоҕум чахчытын эйиэхэ этэртэн кут-
таммытым... Итэҕэй, мин эппинэн-сиимминэн бэриммитим
иһин, кутум-сүрүм чөл, ыраас хаалбыта... Мин кутум-сүрүм
эйигинэн эрэ толору...
— Бэйэҥ сааккын саптаары миигин бэркэ туһаммыккын
эбит, дьэ алые сатаабыккын, — Шумкалпак ханньайа ырдьай-
быта. — Ол эрэн, бэйэҥ билэҕин, кутурук саһылы буолбакка,
саһыл кутуругунан оонньоон кыйбаҥныыр. Айылҕа айбыта
оннук!
— Шумкалпак!.. — диэн саҥа аллайаат, Карлыгач итинник
ааттаабытыгар эрин сирэйэ дьэбидис гыммытын көрөн, сонно
тута ах барбыта.
— Түксү! — Шумкалпак дэлби барбыта. — Аны кэлэн,
315