Page 318 - Кун кууьар хайатыттан

мин көннөрү халпахтаах акаарыллай эбиппин дьэҥкэтик ей-
дөөтүм! Хойуу беде от быыһыгар тарбаҕы чочоҥнотон ыҥы-
ран киллэрэн оннук эрэйдээҕи муннаран кэбиһэр дөбөҥ
буоллаҕа! Билигин мин таҥнары ыҥыырданан ишагынан эрэ
сылдьарым хаалла, тоҕо диэтэххэ, мин ойоҕум, ас да кутан
тылла-торолуйа илигинэ, былыр үйэҕэ быһа тардан тэпсибит,
сытыппыт өрүк мастара эбит!
Сыҥаахха таһыйтарбыт кэриэтэ бүтүннүү кытаран хаалбыт
иэдэстээх Карлыгач сирэйин саба туттубутунан атын хоско
куоппута.
Итиниэхэ диэри хос муннугар саҥата суох тугу эрэ баайа
олорбут кырдьаҕас Баалы сиэнигэр чугаһаан кэлэн холкутук
эппитэ:
— Мээнэ кыыһырыы диэн шайтан уккуйа, киһи хаһан да
өйүн-төйүн ыһыктыа суохтаах, тоҕо диэтэххэ, өйү-төйү би-
һиэхэ таҥара биэрэр, таҥара дьону дьоллоох олохтуур. Өйдөө,
сиэникэм, ким хара күн тулуйбут ол кыайыылаах буолар. Mac
биир сиргэ силиһин ыытар уонна ол сиригэр иинэр-хатар.
Мин тылым итинник, сиэникэм, ону өйдөөн долоҕойгор ТОХ-
ТОТ... Иэстэһии диэн өстөөххө сөптөөх, сыыспыт-алҕаһаабыт
киһиэхэ буолбатах. Дьон маннык эмиэ диир: ким кыыһы ойох
ылбыт дьылҕатын тургутар, оттон дьахтары кэргэн ылааччы
олоҕун суолун оҥостор. Оннук. Ол туһунан санаа, өйдүү са-
таа, сиэникэм, эн эдэргин, толкуйдуургар кыах баар.
Айдаан кутаата намыраабыта, ол эрэн умуллубатаҕа.
Ити кэмҥэ Чаткала кырыс сирин туһаҕа таһаарыы саҕалам-
мыта. Суоппардары, тырахтарыыстары хомуйбутгара. Шумкал-
пак, элбэҕи ыараҥната сатаабакка, ол нэлэмэн куйаар диэки
хайыспыта. Ойоҕуттан ыраах буолаары, Бейшеке аилыгар хас
хардыытын аайы кинини тулалыыр кыймаҥнас хоптон-сип-
тэн куотаары.
Кыһын, Шумкалпак Чаткал хочотугар үлэлии сырыттаҕы-
на, Карлыгачтан сурук кэлбитэ. Бөдөҥ буочарынан икки
лииһи суруйбут, хас иккис тыла — «аһын» диэн. Карлыгач
суругун түмүгэр маннык диэбит этэ: «Хайыам баарай, мин
дьылҕам маннык эбит буоллаҕа. Ол да буоллар, мин эйигин
син биир таптыыбын, мин күндү Бекбосунум!.. Били Зейнеп
уонна Кукук туһунан былыргы номоҕу өйдүүгүн дуо? Ол но-
316