Page 319 - Кун кууьар хайатыттан

мох биһиги туспутунан эбит диэн билигин үгүстүк саныы-
бын, барыта олус сөп түбэспитэ бэрт, Бекбосун!..»
Суругу хас да төгүл ааҕан баран, Шумкалпак кум-хам ту-
тан быраҕан кэбиспитэ. Хардатын биир тылы суруйбатаҕа.
Били дьаабы күннэрэ, санаатыгар, төттөрү эргийбит курдук
буолбуттара: Бейшеке аил барыта кэриэтэ кини кэнниттэн
хобугунаһа хаалара, дьон күлүү гыммыт, элэктээбит көрүүтүн
кини кэтэҕинэн көрөр курдуга. Ойоҕор оччотооҕуга кыыһыр-
быт, абарбыт санаата хос көймөстөн тахсыбыта. «Сах сиэ-
тин! — диэбитэ кини, суругу саныы-саныы. — Сах сиэтин
абааһы дьахтарын! Талан-талан тараҕайы булуу буолбут... Кэ-
һэй, көрдөөбүккүн ылбыккын! Муҥар, биирдэ этиэҥ, таай-
тарыаҥ этэ буоллаҕа уруккугун...»
Карлыгач аныгыскы суруга күһүн кэлбитэ. Били бастакы
сурук хас биирдии тылыгар иҥмит таптал, истиҥ санаа, харах
уута манна суохтара. Шумкалпак бу сурук эбээтэ эмээхсин
олус күүскэ ыалдьыбытын, онон кини кэлэ охсоро сатанарын
биллэрэр туһуттан эрэ суруллубутун өйдөөбүтэ.
Ол эрээри, хомуур кэмэ буолан, Шумкалпак бу Чаткал хо-
чотугар ыкса күһүҥҥэ диэри сылдьыбыта. Баҕар, инчэҕэй,
ардахтаах дьэки-курус халлаан турарыттан буолуо, баҕар, сиэ-
нэ кэлэн буолуо, Баалы эмээхсин букатын лигиччи сытынан
кэбиспитэ, кинини аһатар эрэ диэн буолбакка, таһырдьа бэ-
йэтин кыһалҕатыгар эмиэ көтөҕөн таһаарар ирдэнэр буолбу-
та. Итини барытын Карлыгач санныгар уйарыгар тиийбитэ.
Шумкалпак төннөөт, суоппарынан киирбитэ уонна сорох ар-
дыгар, түүннэри-күннэри көлүөһэттэн түспэккэ, оройуону
биир гына сүүрэрэ.
Кырдьаҕас Баалы ыалдьыбыта дьиэтээҕилэр сыһыаннарын
тупсарбатаҕа. Шумкалпак уонна Карлыгач адьас туора дьон
курдук тэйсэ тутталлара — хас биирдэрэ бэйэтин олоҕунан,
кыһалҕатынан, санаатынан-оноотунан олороро. Кырдьаҕас
Баалы эрэ үтүө кэмнэр эргийиэхтэрин эрэнэ санаахтыыра да,
ол онто сотору кэминэн уостубута — кини Шумкалпактаах
Карлыгач табыллыбатах, ыпсыбатах олохторун ылынарыгар,
билинэригэр тиийбитэ.
Ол түбэлтэ ахсынньыга буолбута. Шумкалпак Анархай
диэн сиргэ сүөһү аһын тиэйэн илдьибитэ. Карлыгач киэһэ
317