Page 320 - Кун кууьар хайатыттан

дьүөгэтигэр ыалдьыттыы диэн барбыта уонна түүн орто
ааһыыта итирик, ытаан-соҥоон кэлбитэ.
— Оо, кыысчааныам, — уоһа-тииһэ бараммыт Баалы эмээх-
син ньаамырҕаабыта. — Туох буоллуҥ бу? Таҥаһыҥ бүтүннүү
хаар... Эрдээх дьахтар бачча хойукка диэри ыалдьыттыыра сөп
үһү дуо, дьон туох диэҕэй, туох дии саныахтарай?..
Баалы санаатын барытын эппэккэ хаалбыта, Карлыгач
бэрт эрэйинэн туттуна сылдьыбыт абаккарыыта, сааскы ха-
лаан мөлтөх быһыты тоҕу анньарын кэриэтэ, биирдэ таһыгар
саба халыйан тахсан ыһыытаан-сарылаан барбыта.
— Эн өлө охсоруҥ дуу, үтүөрэ охсоруҥ дуу буоллар! Эн
билигин мин олохпун бүтүннүү күөрэ-лаҥкы ыыттыҥ, мин
иннибэр халлаантан сууллубут сорум эн буоллуҥ! Билигин
мин эн сиэҥҥэр туһата суохпун, ханна баҕарар барыахпын
сөп, эн эрэ миигин манна тутаҕын! Тугуй, сымыйаны этэбин
дуо?! Мин эрим миигин аахайбат, миэхэ болҕомтотун уурбат,
миигин көнньүөрдэн сыллаан-уураан, таптаан ылбат. Эбэтэр
дьахтар буолбатахпын дуу? Эбэтэр миэхэ дьахтар баҕарар баҕа
санаата, имэҥэ-дьалыҥа, тыыннаах кута-сүрэ диэн суох дуу?!
Ол кэннэ мин бу дьиэҕэ тугу гына олоруохтаахпыный? Эйи-
гин эрэ харайаары, ол эрэ миигин манна тутар...
Ити түүн кини улахан итирик этэ, сарсыарда туран баран,
тугу саҥарбытын өйдөөбөтө, эмээхсини эмиэ көрөн-истэн,
ыарыылаан барбыта. Оттон Баалы итини кыайан умнуба-
таҕа — Шумкалпак кэлбитигэр барыта кини кулгааҕар тиий-
битэ. Ол эрээри кини бу сырыыга туттуммута, Карлыгаһы
дьэбирдик өтөрү-батары көрбүтэ уонна туту да саҥарбатаҕа.
Кэмниэ кэнэҕэс Карлыгач дьүөгэтигэр аһыллан эппит ты-
ла-өһө Шумкалпагы тулууруттан таһаарбыта. Ону Шумкалпак
ол күн истибитэ.
«Дьахтары саарбах суолга ким үтэйэрий, ити эр дьон бэйэ-
лэрэ буолбатах дуо? — диэбит этэ хомойон Карлыгач. — Ту­
гу да этиэххиний, туора эр дьон таптаан этэр тылларын мин
эрим сордоох биирдэ эмэ миэхэ туһулуо диэтэҕин дуу?! Кини
уна диэки көрүөлүүр буоллаҕына, тоҕо мин хаҥас диэки
көрүө суохтаахпыный? Кини тобугун киртитэр буоллаҕына,
мин да көхсүбүн киртиттэхпинэ туохтааҕый?..»
Дьонтон итини истээт, Шумкалпак туох ханнык иннинэ
318