Page 321 - Кун кууьар хайатыттан

остолобуойга тиийэн хас да ыстакаан арыгыны иһэн киллир-
гэппитэ, онтон дьиэтигэр тиийбитэ.
Кырдьаҕас Баалы кини Карлыгаһы кырбыырын, сынньа-
рын тохтотор, буойсар кыаҕа суоҕа.
Оттон Карлыгач Шумкалпак уоскуйбутун кэннэ кылгас-
тык быһа баттаан эппитэ:
— Бу кырбаабыккын этим-сииним сотору умнуоҕа, оһору-
нуоҕа, отгон кутум-сүрүм хаһан да умнуо суоҕа...
Кырдьаҕас Баалы кинини уоскута сатаабыта:
— Тулуй, кыысчааным, тулуй. Эрдээх ойох кырбанар, от-
тон барааннаах дьахтар сыанан муҥурданар. Тулуй, кыысчаа­
ным, ким тулуйар — ол күүстээх. Ыарахан тааска охсуллар
ордук ыарыылаах, ол эрэн ол таас бөҕө-таҕа, үйэлээх, эрэл-
лээх, — эмээхсин бытааннык саҥара сыппыта. — Ама да буол-
бутун иһин, кини хомойбутун хайдах үйэтин тухары тута сыл-
дьыай? Киниэхэ билигин эмиэ алыс чэпчэкитэ суох... Барыта
оннун булуоҕа, кини ханна да барыа суоҕа... Ким биирдик
саҕалаабыт тус-туспа көтөр, ким биир түмүктээх холбоһон
олорор. Эһиги, кыысчааныам, түмүккүт биир. Саҕаланыыта
билбэт, түмүгэ билэр... Тулуй, кыысчааным...
— Оо, ийэкээм, эн суоҕуҥ буоллар, барыта атын буолуо
этэ... Эн мин илиибин-атахпын хам баайан, кэлгийэн кэбис-
тиҥ... — диэн баран, Карлыгач марылаччы ытаабыта.
Инньэ диэн, Карлыгач бу сырыыга да тулуйарга санаммы-
та. Кырдьаҕас Баалы тылыгар бэйэтин тылларын эбэн биэр-
битэ: бэйэҥ таптаабытыҥ, бэйэҥ эргэ тахсыбытыҥ, бэйэҥ
кырдьыгы кистээбитиҥ... Барытыгар бэйэтэ буруйдаах. Кими
да кытта аһыытын-кутурҕанын үллэстэр кыаҕа суох, онон ту-
луйарыгар эрэ тиийэр, атын суол суох... Итинник дьылҕалаах
кини эрэ буолбатаҕа буолуо, атын да дьахталлар киниттэн ор-
дуга суох олороллор ини, дьол чэчигин ойохторугар бары эр
дьон аҕалбаттара, бэлэхтээбэттэрэ чахчы...
Күннэр ааспыттара, нэдиэлэлэр ааспыттара.
Нэдиэлэлэр ааспыттара, ыйдар ааспыттара.
Моҕой сылыгар күһүн эрдэлээбитэ, бурдук эрдэ сиппитэ.
Бейшеке аилга бары бу саҕаланыахтаах хомуур бэлэмигэр
умса түспүттэрэ.
Ити кэмҥэ кырдьаҕас Баалы өлөн хаалбыта. Өлүү бэйэтэ
туспа кыһалҕалаах, түбүктээх, ол өлүөхсүтү харайыыны кытта
319